「岩盤崩裂」

詩篇 #46；馬太3：7-10; 聖詩 189B

西雅圖台灣人教會執事退休會

陳柏壽 牧師

2/2/2013

引言

郭教授有拜托我佇kim-chai-khi禮拜起來主持，我真感謝恁互我有這个好的機會及大家做伙分享咱共同的信仰及經驗。及以前仝款，我準備一份資料做一個引言，大家看是欲oān-nah講oān-nah討論，抑是欲全部講了，才做伙討論，攏好。

「祈禱：慈悲的天父，感謝你互阮對各地無共款的所在出世，經過各種不同的環境生長，經過不同人生的經驗，但是今仔日你閣聚集屬佇你的兒女佇仝一間教會來服侍你，為你做工，這是一種的福氣，也是阮人生中服事你的機會。願你開阮的心靈，互阮的討論增加阮的信仰，加強阮人生的氣力。阿們。」… [ Read more ］

我活是基督

腓立比1：20-26

陳柏壽 牧師

金句：「因為論到我，活就是基督，死就是利益」（腓立比1：21）

夏天阿媽來此看孫，孫仔給阿媽衫仔裾giú tiâu-tiâu。「阿媽！咱來sea啦！」Sea就是去海邊、去sng水的意思。阿媽聽著kimochi一直bái lòi。「欲死你家己去死，我才無愛去死咧！」

Emy猶無到50歲。佇Hawaii做牧師第二年，伊著白血球的病，無六個月tò過身。我去共伊做葬式，對Hanauma Bay駛Kanaianaole (Hawaii 皇帝因某的名，台灣教會的obasan攏講”腳奈hiah-nī烏leh”彼條路)，過Diamondhead… [ Read more ］

平實的人生

詩篇24：1-6

陳柏壽 牧師

金句：主耶穌講：「所羅門極行伍的時，伊所穿的，毋值著這號花的一蕊！」（馬太6： 29）

聽講有一個姓林的食酒駛車，去互警察仔截落來。伊的駕照用久，名霧霧，干單第一字「林」看有。警察仔問伊：「你是林（lim）啥物？」「無lah，警察大人，我才lim二杯幌頭仔niâ啦！」「我是講你叫啥物？」「無lah！我才叫一盤土豆及一粒滷卵niâ啦！」

這个lim到醉濛濛的林san，伊已經及現實世界脫節啦！伊的世界及警察問伊的世界，是兩個世界。

最近牧師娘給我complain講伊聽我講道將近四十冬，日本話「講道」叫做「說教」，伊講我「說教」四十冬，聽無啥物，攏差不多！伊講我真濟是及這世間脫節啦！伊講：「阮查某人看代誌真緊、真簡單、真清楚，阮有第六感，代誌目睭尾gió一下，著差不多知影意思，毋免像恁查埔人，講到lò-lò-tn̂g，彎來彎去，到尾仔阮毋免想嘛知恁欲講sehⁿ！世間的代誌毋免講到hiah複雜啦！上帝的道理，明明一看toh知，你toh… [ Read more ］

向頭前的過去

陳柏壽

歷史是咱人群的粘著劑，對過去深刻的認識及體驗，會促成咱對過去chhoē-tio̍h向前的進路。過去追逼這群東北三州的有志，結連做伙的動力，互chia-ê平凡大眾的廚師、洗衫店的頭家、技術者、會計師、建築師、醫師、律師、牧師、家庭主婦來起造「衛鄉」的歷史，伊的基礎就是對真理的追求，對上帝的信賴，以及對台灣故鄉無限的關懷。

小弟對日本搬來入協和神學院以後，受派去恩惠教會工作，有一段時間及黃武東牧師、王成章牧師做伙輪流主持禮拜。後來王牧師轉去台灣神學院教冊，阮嘛有參加Brooklyn 的「台灣三一教會」。每禮拜透早就載牧師娘及三個囝（後來閣加生一個查某囝共四個），全家親像日耳曼民族大移動，經過Whitestone… [ Read more ］

失落的戰鬥

約翰福音12：25

陳柏壽 牧師

這禮拜一個人去海邊釣魚，欲跳過一個較高的坎仔，毋知家己的力頭已經無親像古早啦，跳一下煞tó-siàng-hiàⁿ，失失昏昏去毋知人。摔落去的瞬間，家己有聽著kha-chia-phiaⁿ心臟的部位「Hmm–」一聲，就失失昏昏毋知人去。真濟好心的美國人倚來我的身邊，緊kā我救，緊卡911，叫救護車，送我去附近病院急診，才救我這命。尾椎骨pit開，心臟定幾秒鐘。

本來計算好好，下晝欲做的代誌，miⁿ-á-chài欲做的代誌，今年欲完成的代誌，一切的一切的計劃，一瞬間攏變烏有去啦。我的身軀及生命，真可能佇一瞬間，bô-têng-bô-tî，就消失去啦。… [ Read more ］

生命的連續性及過程的信仰
聖經：羅馬人書11:33-36; 12:9-21
陳柏壽 牧師

七、八月天上熱的時陣，嘛有樹葉teh黃teh落。中晝時是90度，但是透早是嘛有40度的時陣。

一月天最寒的時，樹枝攏乾乾，但是枝仔尾準備明年春天欲開的山茶花的花蕾，已經有白色的毛蓋佇頂面，一看就知是春天的花蕾。今仔日12月底啦，將牡丹的乾葉剪掉的時，才看見根頭已經有紅紅的小芛，匿佇土面，準備明年的春天。
人生就是春、夏、秋、冬，無論季節按怎交替，生命的氣力貫穿佇春、夏、秋、冬的內面。

若是生命就是上帝，上帝就是春夏秋冬不斷交替、永無斷層、永無停止的上帝。熱天內面的上帝有寒天。寒天內面的上帝有熱天。上帝佇好、歹，佇熱天、寒天，佇春夏秋冬，佇天堂地獄，攏活佇hia。這種輪迴循環的變天，及人的生命及靈魂的循環，攏一定有共通的特性。… [ Read more ］

『信仰的二面』

創世記3:1-5

陳柏壽 牧師

對西雅圖駛車來溫哥華的路，樹仔葉落到欲了啊，但是只有一叢樹仔，葉仔去互風chhai來chhai去，伊的葉仔佇風中反旁，彼旁是銀色的白毛，佇風中親像一葉一葉的銀湯匙，非常美麗。美國人叫伊Silver Spoon樹。互我想著咱食老，年紀大，佇北風sńg-sńg叫的歲月，著愈活愈súi，親像Silver Spoon佇北風中，互世間人看。

頂禮拜我禮拜的教會佇Olympia Penisular的Oceanshore開培靈會，拜託我作主講。但是我想著機會到啦，順續chah我的魚釣仔去，早起時講課，下晝時去海邊釣魚，總共釣差不多30尾perch。會友有theh一張Wall… [ Read more ］

趕出樂園故鄉以後

創世記3:22-24

列王紀上19:11-12

哥林多後書12:9-10

陳柏壽 牧師

金句：『獨獨屬神的人，寸度萬項事；但是家己無互世間人寸度。』

（帖撒羅尼迦前書5:14）

4/17/11

日本的總理大臣開記者招待會，上臺先給日本國旗行一個禮。我作牧師上臺以前嘛給十字架行一個禮。十字架代表咱的上帝主耶穌基督降世作人的記號。

今仔日是教會歷的棕樹節，意思是紀念百姓佇耶路撒冷城門口，大家手giâ棕樹枝，喝”Hosanna! Hosanna!”，意思是歡迎至大人君入城。彼隻驢仔子戇戇啊，tòe佇驢仔母的kha-chhng後teh行。… [ Read more ］

巴伐利亞基督受難劇觀後感

陳柏壽  牧師

今年八月初八我及婦仁人，及以前我牧會的紐約台灣衛鄉教會24位會友，隨人時行去南德巴伐利亞山區的一個小莊頭叫做Oberammergau（台灣人攏唸作『歐巴馬因阿媽的狗』），參觀十年一次的大典，就是『基督受難劇』。真正是人山人海，世界各國的人攏來，每日3,700人觀眾座位暴滿，旅館逐間攏無房間。德國人及美國人上濟。若無集體報名，個人無法度入場。

全莊人口約5,000人，幾乎全人口一半總動員來演出這個大祭典。演員、詩班、樂團、事務工作、清理會場，攏是莊裡的人。這種全莊動員的事件，對1633年到今已經繼續400年久：每10年的最後一年的五月到十月演五個月，每日公演7點鐘。今年是第41次公演。… [ Read more ］

飛翔跳躍的人生

陳柏壽 牧師

聖經：馬太16:2『耶穌回答講：黃昏時天色紅，恁知明仔再會好天啦。…恁會曉分別天色，獨獨不會曉分別這時候的神蹟。』

約翰3:8,12『風出在意思來吹，你聽見伊的聲，m̄知伊對叨位來，叨位去…我給恁講地上的事，恁尚且m̄信，若給恁講天頂的事，恁豈欲信？』

當代美國最受人敬愛的短篇作家，就是最近過身的John Updike。伊寫的第一篇小說叫做『Rabbit，Run！』就是描寫50年前伊去給伊的女朋友求婚，因丈人看伊散痞痞，講因查某子嫁著這種無路用腳數，實在見笑。伊就將因女朋友拖起彼台125箍買的1939年製的Ford… [ Read more ］