生命的連續性及過程的信仰
聖經：羅馬人書11:33-36; 12:9-21
陳柏壽 牧師

七、八月天上熱的時陣，嘛有樹葉teh黃teh落。中晝時是90度，但是透早是嘛有40度的時陣。

一月天最寒的時，樹枝攏乾乾，但是枝仔尾準備明年春天欲開的山茶花的花蕾，已經有白色的毛蓋佇頂面，一看就知是春天的花蕾。今仔日12月底啦，將牡丹的乾葉剪掉的時，才看見根頭已經有紅紅的小芛，匿佇土面，準備明年的春天。
人生就是春、夏、秋、冬，無論季節按怎交替，生命的氣力貫穿佇春、夏、秋、冬的內面。

若是生命就是上帝，上帝就是春夏秋冬不斷交替、永無斷層、永無停止的上帝。熱天內面的上帝有寒天。寒天內面的上帝有熱天。上帝佇好、歹，佇熱天、寒天，佇春夏秋冬，佇天堂地獄，攏活佇hia。這種輪迴循環的變天，及人的生命及靈魂的循環，攏一定有共通的特性。

有輪環，就是無終止。生命嘛是一種輪環不斷的過程，無一定著有一定的目標及終末。

古早讀冊是為著欲尋一個好頭路，趁錢飼家。根據統計，美國人平均一世人換12擺頭路。到40歲以後，每一人做的頭路，及伊佇學校讀的，無關係，尤其是個人的小公司，頭家叫你做啥物，你toh做啥物，無甚物選擇的自由，英文叫做employer’s prerogation（頭家的權威）。若無你to mài愛食這個頭路。真濟醫師每日做routine工作，量血壓、量體重。這是每人求生(survival)唯一的一條真自然真正常的路。世間無超人的存在。

輪迴不斷的人生講起來是一個平凡的人生。但是平凡的人生是一個無價的偉大的人生（路邊草的人生、草根人生）。

人生的現實面來看，世間的現象應該有下面的過程神學的特性（參考Norman Pittenger寫的Process Theology – ALFRED NORTH WHITEHEAD這本冊)：
人生無永遠性（impermanence)，一切攏是暫時；
人生無停步的終點（inexhaustibility)，永teh進行；
人生永無達成的境界(incompleteness)；
真濟真理的體驗及靈感是即時的結晶 (inprompteousness)；
真濟代誌的進展是說服、教育、招呼、感化 (lure, appeal, persuation)的結果；
上帝家己無矛盾 (God is not against God’s self; but God is in process)；
上帝永無疲勞 (God’s indefatigability)；
上帝是永遠信實 (God’s forever faithfulness)；
上帝永有憐憫及仁慈 (God’s everlasting love, mercifulness and tenderness)；
世間不斷teh創造；
上帝不斷繼續teh道成肉身，道成肉身m̄是只有一次 (Incarnation vs. incarnations; One Creation vs continuous creations)；
信仰是在個人及上帝中間的直接關係 (God is in individual solitariness)；
上帝在不同情景顯出不同啟示 (God’s revelations in contextualizations)；
上帝m̄是抽像的存在，是在世間實在發生的事物中存在；
愛是對別人的關懷、分享、照顧；
人在改變中形成(A Human Being is a becoming. To be a human is to become a human. Human being is a living process. A Human Being never is but a wholly hope-to-be.)；
上帝的愛永遠bōe廢無（哥林多前書13:8)；
惡就是惡，m̄是半善，或是半好。上帝永遠及惡鬥爭，但是最後上帝欲將一切的惡改變作善；最後的世間是樂觀及希望的世界；
上帝不管時準備便便，應付世間人及惡魔的要求；
上帝最後必然將世間tòa入『至善』的境界
在早上帝預料創世的繼續性，所以最後不得不差遣伊的獨生子耶穌基督，『道成肉體』來世間，受苦、受死、受釘佇十字架頂；
人類的運命就是及上帝作伙同工，繼續佇這世間及上帝作伙，作『創作者』；
上帝苦勸人類及伊同工，上帝用疼來呼召人間，但是上帝m̄-bat強迫人。伊永遠佇hia，tiām-tiām teh呼召，招呼人類回歸；
上帝的忍耐及細心，不斷苦勸世間人的精神，就是西方的自由、民主的精神。這種精神包涵三種要義：I)尊重別人，代誌用共識來決定； II)對代誌認真拍拚，做個人份內應盡的最大的努力； III)用幽默及笑面看破人生。
咱若是有自由精神，就是活佇上帝的真理內面；咱若是擁有自由民主的精神，就是疼咱、敬愛咱的上帝的意思。咱的教會就是培養咱的自由民主精神的搖藍。