『韌命ê 男兒』

馬太福音1:18-21; 4:18-22

陳柏壽 牧師

童話ê故事講上帝太初創造驢仔（lû-á），kā伊講：『你tio̍h透早做到暗，腳脊phiaⁿtio̍h āiⁿ真重ê貨，你koh kan-taⁿ會tàng食草。你會憨(gōng)到親像一隻驢仔。Hō͘你50歲。你是一隻驢仔。』

驢仔kā上帝講：『上帝–啊！我不過是一隻驢仔，50年相久–啦，hō͘我活20年tō好–啦！』

上帝講：『好！Hō͘你20年ê壽命！』

上帝創造狗仔，kā伊講：『你tio̍h替人顧厝，是人類忠實ê朋友，但是你kan-taⁿ會tàng食人hō͘你食ê物件。你通（thang）活25年。你不過是一隻狗。』… [ Read more ］

< 凡 事 感 謝 >             作者: 陳柏壽 牧師

凡事tùi感謝開始，感謝tùi人生ê挫折(chhò͘-chiat)開始

感謝傷害我ê人，因為伊磨練我ê心志

感謝欺騙我ê人，因為伊增加我ê智慧

感謝中傷我ê人，因為伊訓練我ê人格

感謝打擊我ê人，因為伊激發(kek-hoat)我ê鬥志

感謝棄捨(khì-sat)我ê人，因為伊教示我tio̍h獨立

感謝絆倒 (phàn-tó) 我ê人，因為伊增強我ê腳骨

感謝叱責（chhe̍k-chek)我ê人，因為伊提醒我ê缺點

Koh khah感謝hō͘我碎心(chhèh-sim)ê人，因為伊證明我ê存在… [ Read more ］

靜靜ê回想–懷念王育德先生

-陳柏壽 牧師-

每擺暗暝靜靜teh回想，台灣人猶未記載tī歷史冊ê反抗運動史，一幕一幕沖激著我心ê海岸；想著過去二、三十冬來，台灣人一波過一波，一直teh犧牲，無怨嘆，無反悔，為著反抗中國人ê統治，死mā甘願。這款精神hō͘我體驗著台灣文化中間第一高貴第一純潔ê一面。過去ê代誌雖然親像白雲tī藍天teh飛；淡淡ê色彩tī高高（koân）所在，一蕾一蕾（lúi）一直去，jiok mā jiok bē著，但是每擺想著chia ê時，心內沖激真大，想愛大聲喝出來，目屎禁bē-tiâu。但是每一擺我攏kā目屎吞落去腹肚內，嘴齒根咬hō͘… [ Read more ］

慶祝十年人性ê光輝

– 陳柏壽牧師 –

關懷台灣基金會beh出版紀念集，要求多年來受恁支持ê「台文通訊–聰美姊紀念基金會」寫幾句á紀念性ê話，小弟認為非常有意義。「台文通訊」自出版以來，受著chē-chē海外ê台灣人ê鼓勵kap鞭撻，hō͘阮全體同仁無論遇著啥物大ê困難kap阻擋，攏繼續辦落去。今年已經經過四年，阮有這個成績，最大ê功勞者，完全就是親像chē-chē關懷基金ê兄弟姊妹，tī阮後面暗中ê支持、期待、鼓勵、指導ê結果。「台文通訊」會繼續活落去，就是關懷基金ê每一人台灣心bē死ê證明。… [ Read more ］

第三以賽亞時代ê台灣人kap約翰ê啟示錄

– 陳柏壽牧師 –

近代台灣人ê獨立運動史會tàng比phēng以賽亞書形成ê三個階段。以賽亞是一本延連二百五十年才完成ê以賽亞學派ê作品；第一以賽亞(第1到39章)寫成ê年代，可能是西元前740-700年中間，猶大猶未亡國，大衛王朝猶管理耶路撒冷ê聖殿；第二以賽亞(第40到55章)完成可能是tī西元前第六世紀 (546-538B.C.)，以色列人受掠去巴比倫，聖殿已經受毀，波斯帝國tú beh興起；第三以賽亞(第56到66章)是波斯王容允以色列人回鄉重建聖殿以後… [ Read more ］

本末顛倒ê運動觀

-陳柏壽 牧師-

最近聯合國ê風吹砂吹到eng phōng-phōng，hō͘人目睭peh bē金，亦親像入秋以後ê紐約，黃葉一直落，規街路攏是聯合國，電視報紙街頭巷尾攏是聯合國，在野ê專心beh入聯合國，執政ê mā teh喝燒，那準入聯合國就是台灣獨立台灣人出頭天一樣。

古早以前，國民黨禁聲無愛講聯合國，所以大家火力集中對付國民黨，chit-má國民黨逼到無poah聯合國這棋子bē通，雖然猶teh偷食驚歹勢，用手巾á遮面，m̄敢叫「台灣」，發動民間kap反對陣營人士去，國民黨bih tī後壁暗爽。因為伊心內第一清楚，無論是用「台灣」或是用伊ê啥物歪哥名，只要會入聯合國，伊就是贏，伊在世界社會內ê統治地位，一定增長。入聯合國第一爽ê，是國民黨。… [ Read more ］

鬥陣來推廣台文通訊

– 陳柏壽 牧師 –

聰美是一位醫生，伊也是一位平凡ê台灣婦女，但是伊過了偉大ê一生。伊kap伊ê夫君伊藤邦幸醫生結婚了後，相牽去偏僻ê NEPAL做醫療服務七冬，轉去日本後，伊用井上魯頓ê名，每個月奉獻日票五萬kho͘ hō͘「台灣青年」雜誌做台灣獨立運動ê路用，按呢繼續20冬無停，一直到伊過身六冬後，伊ê故事才tùi日文翻譯過來hō͘大家知影。這個故事已經tī台灣教會公報、台灣公論報，以及美國台灣同鄉聯合鄉訊等報導，引起海內外台灣人真大ê共鳴，大家踴躍獻金，所獻ê金額也攏有經過台灣教會公報社、衛鄉台灣教會、波士頓台灣教會等，直接寄去hō͘… [ Read more ］

心憂

-陳柏壽 牧師-

最近有幾位「建國黨」ê組黨人員來美國訪問，言談之間才知影平素建國黨ê內部kap對外ê會議大部份攏用中國話，探問in ê理由才知影籌備會內往往有一位真有名氣ê客家作家，只有因為伊ê存在，每一位大多數講台語族群ê成員就犧牲in母語ê基本權利，改用少數統治者高壓ê政治「國語」。對外ê會，尤其是記者招待會等，建國黨kap台灣其他任何政黨完全無分別，只有使用「体制內」ê「國語」，按呢khah好爭取見報率kap知名度。

「建國黨」強調理性、奉獻、熱情、mā強調事非分別，目標一致，表達成建立台灣共和國ê目的。Chim-má… [ Read more ］

… [ Read more ］

台語文–a！你是台灣魂

 In中國人講台語文不過是『塗鴉塗鴉』。

講in ê才是正統文章，

咱 ê 『不三不四』、『不能上道』。

本來我mā是抱著『塗鴉塗鴉』ê心情，

用『嘴講台語、手寫台文』ê心情，

Tō kā伊寫–落-去！

無想到人人攏看有，

koh看到真合(kah)意、真貼(tah)心，

看kah心肝頭笑微微、心涼脾肚開，

有時看到流目屎、心酸酸！

Tùi hit時開始，我才知影：

台語文m̄是 『不三不四』『不能上道』。

伊是『台灣魂』ê榮光。

台語文–a，台語文！你是台灣魂ê榮光！

陳柏壽

11/18/2002… [ Read more ］