心憂

-陳柏壽 牧師-

最近有幾位「建國黨」ê組黨人員來美國訪問，言談之間才知影平素建國黨ê內部kap對外ê會議大部份攏用中國話，探問in ê理由才知影籌備會內往往有一位真有名氣ê客家作家，只有因為伊ê存在，每一位大多數講台語族群ê成員就犧牲in母語ê基本權利，改用少數統治者高壓ê政治「國語」。對外ê會，尤其是記者招待會等，建國黨kap台灣其他任何政黨完全無分別，只有使用「体制內」ê「國語」，按呢khah好爭取見報率kap知名度。

「建國黨」強調理性、奉獻、熱情、mā強調事非分別，目標一致，表達成建立台灣共和國ê目的。Chim-má tú-tú beh開始nā-tiāⁿŽ，若是對家己ê文化語言to m̄敢khiā旁，m̄敢勇敢突破個人kap團體ê社會、政治、kap心理ê障礙，kiám m̄是烏白不分ê起源leh？

有人講語言就是文化，但是觀察頂面ê現象，咱會tàng真清楚知影語言不止是文化，語言是一個政治。咱台灣人生活tī中國人ê政治環境ê下面，作一種屈服tī無平等ê政治條件之下，來使用無平等ê政治語言。對這點客家族群更加需要警醒。台灣人若無法度tī語言ê政治頂面出頭天，何必在其他表面ê政治層次出頭天leh？