對奧國亡國講起

-陳柏壽 牧師-

奧國人變作真正ê奧國人是二次大戰戰後ê代誌。這其中有一段真悽慘ê歷史，值得現在ê台灣借鏡警誡。

第一次大戰後，奧匈帝國領土四分五裂，捷克、波蘭、Hungary、Yugoslavia各地宣佈獨立，奧國週邊土地受列國侵占割分。Habsburg王朝末代皇帝Kaiser Karl財產受查封，放逐到瑞士山區。Che kap戰後蔣介石集團ê運命有對稱。

1918年Karl Renner任戰後第一任首相，這時奧國ê去路有三個選擇：(a)建立多瑙河流域聯邦； (b) kap德國合併； (c)恢復Habsburg王朝。第一kap第三種ê構想代先反對ê就是捷克、Hungary、羅馬尼亞、Yugoslavia，連波蘭mā反對。In攏無願意koh屈服tī大體制之下。尤其是捷克首都… [ Read more ］

Mele Kalikimaka Tī Hawaii 過聖誕

– 陳柏壽牧師 –

「Mele Kalikimaka！」就是本地話ê「聖誕快樂！」ê意思。你若會曉用這句kā人恭喜聖誕，表示你是在地人，物件賣你半價。另外，你若將阮ê Hawaii唸作Ha-wa-ií，人tō知你是外口來ê。Tio̍h-ài唸作Ha-va-ii才tio̍h。

阮搬來Hawaii今年是過第三個聖誕節。聖誕若到，阮hit位New York生ê第四kiáⁿ就kāu-kāu唸講：「無成聖誕節！樹葉á是青青sìm-sìms，天空亦無落半片雪！」我知影伊心內第一懷念ê，是白色世界ê… [ Read more ］

母語建國

一個民族有一個民族ê母語，親像一隻金絲烏á有天生ê歌喉；一個民族國家必然會拚命維護伊ê母語，親像一隻野牛，天生有一對角，用來抗爭保護伊ê自由權。

有一日金絲鳥á若學豬á出聲，眾鳥á界講伊是鳥á形出豬á聲，不倫不類，伊必然是起痟啦。豬á聽著鳥á發豬á聲，in也感覺金絲鳥á是起神經，無救囉。表面上，攏客氣對待金絲鳥á，事實上，無人將金絲鳥á看是仝類，beh入鳥á聯合國，人講你是豬á；beh入去豬á聯合國，人講你是鳥á，攏m̄肯in入會。結局金絲鳥á兩頭攏失落。

1987年台灣筆會成立，向世界筆會申請成立分會。總會一查，已經有一個中國筆會代表台灣，兩個仝款用北京語文寫作。In感覺奇怪，台灣筆會會友嘴講台灣話，手寫北京語文，言文無一致，北京語寫出來ê作品soah無台灣味，無台灣風格，無蕃薯仔ê心聲。中國人讀來，也感覺怪怪，無sêng芋仔，也無sêng蕃薯，講是邊疆文學。世界筆會無通過台灣筆會入會，理由是台灣筆會會員無用母語台語文寫作。… [ Read more ］

「南台巡禮，bē死心」
＜聰美姊紀念基金會＞

-陳柏壽 牧師-

近日聰美基金會ê人有轉去台灣，飛機衝破一層厚厚ê烏雲才看著小港機場ê跑道。全高雄tùi透早到暗24點鐘攏是罩tī污染ê雲傘內面。Tùi小港機場出發，一路是唐á榮鐵工廠ê大煙筒，各種製肥、製鋁ê工廠，大量ê烏煙噴按一片無辜ê平民ê住宅區去。可憐ê人民，只有tī烏煙內喘khùi，連講話ê聲音to去hō͘飛龍機聲遮過。大資本家、大頭家一個一個攏tī高級別墅teh逍遙，抑無tō是tī外國ê樂園地方teh遊山玩水。

往台南ê路中經過最近開設ê東西高速公路，運掌講這12條東西橫向ê攏是宋省長手下作ê，hō͘阮想起莫怪古早以來，無論去到tóž位，pōng空、大橋、大樓、公家工廠，攏有大官刻名留牌ê現象。伊本來是人民ê公僕，台灣人勤儉ê血汗錢，伊亂開亂貪，到時完成ê建築，講攏是伊hō͘百姓ê恩典。這種現象表示台灣社會ê民主意識，猶停留tī幼稚園ê階級。… [ Read more ］

【電子批】王育德對白話字ê看法

阿惠kap列位網路ê兄姊：

1985年我tī箱根（Hakone）ê世台會負責主日禮拜。王先生坐tī下面，tùi頭到尾攏無講話。一直到禮拜日teh beh soah ê時，伊kā我giâ手講伊beh起來台á頂講話。

伊講ê話真簡單：「感謝台灣基督長老教會對保存母語做ê真大ê貢獻。」接落起伊就講：「我發明真chē套ê音標。Tùi chín開始，我呼籲全体台灣人將我發明ê hia ê音標攏kā伊pàng bōe記得。大家攏總來歸žóa集中來學教會羅馬字。」

Hit個世台會，伊是阮這群劇團ê導演。排練2、3個月。每禮拜攏tīShinjuku… [ Read more ］

人間ê英雄

＜紀念Hawaii Molokai島ê Damien神父＞

-陳柏壽 牧師-

1997年7月初7羅馬教會封立Damien神父作「英雄」。「英雄」是進入「聖人」ê最後ê一階。相信伊koh無外久就會變作人間ê聖人。

Damien神父受人尊敬作「英雄」，m̄是因為伊是tī流血ê戰場殺人無數建立戰功ê英雄。是因為伊tī這世間為人受苦，為艱苦無依無倚ê人，做最大ê犧牲，最後連伊ê生命亦奉獻出來ê英雄。真正ê人間英雄。

Damien神父1840年出生tī Belgium(比利時)。細漢ê時，受父母真好ê宗教教育，培養出一個真敬虔、祈禱ê心。伊講伊一世人tī人生第一孤單無助ê時刻，攏會用這段人生第一幸福ê少年時刻ê懷念，來渡過一切精神ê難關。… [ Read more ］

我是烏鴉

– 陳柏壽 牧師 –

我是烏鴉。我ê名叫陳烏鴉。聽阮阿母講我出世ê時，háu聲是ka-ka叫，所以阮老父叫我陳烏鴉。一直到今á日，我ê講話mā無真文雅，粗聲koh土直。

我想烏鴉實在是真好名。現代人號名真文雅，有俊、雄、義、理，亦有美、惠、嬌、娜，古早人khah實在：有大kho͘、大聲、lô͘-môa、大尾、罔飼、阿花。最近加州ê黃德利牧師生一個孫á，伊kā號做黃牛，叫ê人爽，聽ê人mā真爽，人若去教會，伊tō mo̍͘h hit隻黃牛出來展。所以今á日我一定beh改名，改作陳烏鴉才會爽。

想著古早阮tī東京代代木設立第一間台灣教會ê時，tùi神宮大路邊ê大叢樹á尾liu，一直到神宮ê厝尾liu，攏是烏鴉；tùi上野公園一直到皇居ê二重橋ê橋腳，mā攏是烏鴉。… [ Read more ］

呼籲  – 設立「共同發行人」ê代誌

敬告各位「台文通訊」讀者：

五十外冬ê國民黨統治hō͘咱看著台灣話kap台灣語文ê凋零kap消失，hō͘咱感覺台灣局勢親像入秋ê悲觀kap失望；咱親生ê子孫，一個一個越頭去講別人ê話，親像半路á認別人作父作母，叫人作阿公。

台灣語言若失去，台灣民族kap文化ê根就喪失，台灣人beh作一位真正ê台灣人就無可能啦！莫怪學者講：「Beh消滅一個民族，最好最有效ê方法，就是消滅伊ê語言。」中國人執政者過去tī咱ê美麗島從事ê恐怖政策，就是beh消滅咱ê語言文化，hō͘咱bē記得咱是台灣人、是講台語寫台文ê民族。… [ Read more ］

八田與一kap Jippun Cheng-sîn

-陳柏壽 牧師-

蔡焜燦先生最近由日本教文社出版一本好冊，叫作「台灣人no日本精神」。但是後面四字tī冊名邊注音是寫「Jippun Cheng-sîn」，m̄是寫（Nihon Seisin）。

我相信蔡先生會按呢寫，可能是伊知影伊teh講ê「日本精神」四字，雖然tī台灣不止流行，但是現代ê日本人，已經無法度了解ê hit種精神，hit種台灣心目中所懷念ê古早ê精神，hit種理想ê台灣人khah會了解、才會了解ê一種典型ê精神。

我想台灣人是一種真理想、浪漫、熱情、念舊ê民族。最近有一個朋友過境來Hawaii，提起一種台灣人出外ê時產生ê心理現象：來到美國，生疏ê人若問伊：「你是m̄是中國人？」伊心內會真bōe爽。「我to無teh衰啦！去hō͘人看作是中國人…」但是若去hō͘人看作是日本人，伊心內會感覺滿足，轉去台灣tī朋友弟兄ê中間，會去kā人宣傳講伊hō͘人看作是日本人。… [ Read more ］

【電子批】Tio̍h聽咱選民ê話

戴教授平安：
我對陳水扁這次ê就任演講mā非常失望。親像咱艱艱苦苦栽培一個gín-á，hō͘伊大聲細聲用咱ê母語來giú票。用母語tī眾人ê面前，每次競選大會攏講「台灣人民勝利lah！台灣出頭天lah ！」Taⁿ伊已經上台lah 。Tī台á頂將伊tī競選中所用來得選票ê母語，攏kā伊當做是「bōe-tàng tī公開ê，一流ê場合使用ê見笑ê語言」 –「母語變做二流ê語言。」gín-á 若大漢，看家己ê父母無起，che是咱目睭前活跳跳ê現實。

我是一位牧師，我m̄敢希望啥物時陣陳水扁會tàng來做基督徒。但是我想我有權利來責成伊做咱ê總統，民選ê總統，tio̍h聽咱選民ê話，tio̍h用民主ê方法–tō是上帝公理ê方法–來治理這個國家。… [ Read more ］