聰美姊紀念基金會的美景

聰美姊紀基金會的美景

19934月黃聲宏醫師的老爸佇紐約衛鄉教會過身後,阮設立聰美姊紀基金會,目的是繼承聰美一生無私疼故鄉台灣的精神。伊是台南女性,對東京醫學大學畢業,及對京都醫學大學出身的伊藤結婚。二位正牌的醫生夫婦結婚了後,相招去希馬拉雅山頂的國家尼泊爾(Nepal),參加日本海外醫療團,服務散赤人十外冬,完全toé-tioh Albert Schweitzer的腳步。

 佇尼泊爾生6個囝以後,因為囡仔的教育,搬轉來日本九州,伊藤先生開始開業做醫生。對彼日開始,聰美姐及先生決定,每月日寄日票3

[ Read more ]

追思秀蘭姊

咱所敬疼的聰美基金會會計黃耀勳兄的某秀蘭姊忽然間過身

作家遠籐周作問上帝講:上帝啊,世間有遮爾(chiah-ni̍h)濟悲慘,是按怎海水猶是遮爾藍,春天的涼風繼續leh吹?咱逐日問上帝仝款的話。

Chok-ka Eng-to͘ Siu-sak mn̄g Siōng-tè kóng, “ Siōng-tè ah, sè-kan ū chiah-ni̍h chē pi-chhám, sī án-chóaⁿ hái-chúi iáu sī chiah-ni̍h nâ, chhun-thiⁿ ê liâng-hong kè-sio̍k leh chhoe?” [ Read more ]

新ê公開批
有關聰美基金 / August 18, 2012

聰美姊紀念基金

CHHONG-BI MEMORIAL FUND

c/o Rev. Burton Tan, 8515 NE 25th St., Clyde Hill, WA 98004 USA

c/o Bor-Nian Lai, 105 Cummer Ave. Ontario, M2M 2E6 Canada

August, 2012

敬啟者:

聰美姊紀念基金會 tī 2006 年 2 月結束發行「台文通訊」以後,就開始思考 beh 重新 用另外一個角度繼續為台灣 ê 語言、文化、kap 歷史的保存盡一份氣力。最後基金會同仁 決定 beh 將有 40 年歷史 ê『台灣青年』上『聰美基金台文站』。… [ Read more ]

數念聰美姊紀念基金會主席黃聲宏醫師

數念聰美姊紀念基金會主席黃聲宏醫師

賴柏年

5月18日收著陳柏壽牧師tùi日本發出ê電子批,伊用Bad News作主題,內容簡單明瞭講黃聲宏醫師已經佇前一工佇New York蒙主恩召往生ah。

這个歹消息ê來臨實在太突然,hō͘人太料想bē到啦!會記得2禮拜前才kap伊通過電話。彼陣伊ê聲音有khah弱,但是精神bē bái。佇電話中除了關心「聰美基金台文站」ê進度kap經濟情形以外,伊koh提起已經kā診所收–起-來,拍算beh hioh-khùn專心靜養。想bē到,伊卻按呢緊緊來離開阮chia-ê濟濟為伊ê健康代禱ê親友。阮為伊怨嘆、為伊毋甘、為伊悲傷。… [ Read more ]

黃聲宏醫師對咱的啟發

黃聲宏醫師對咱的啟發

陳柏壽牧師

拄即對New York主持黃聲宏醫師,就是聰美姊記念基金會主席,的葬式轉來以後,心情非常沈重,怨嘆這世間好人hiah-nī緊就beh回歸天家,怨嘆生命的無常。雖然知影上帝用伊的自由及伊的意志teh統管這世間,但是這我只有怨嘆。

黃醫師平常無愛講話,講話嘛真細聲,雖然因老爸黃理鰲醫師給伊號做「聲宏」。自從二十幾年來識伊以後伊就是一位良師益友,時時指導、鼓勵、安慰我。二十幾年前我為因老爸做無教會主義形式的葬式以後,無想到今仔日佇同這間「衛鄉台灣教會」,咱做伙抑欲送伊轉去,心內非常毋甘。… [ Read more ]

公開批 (2006年4月初10 ~ 2012年5月17)
有關聰美基金 / April 10, 2006

聰美姊紀念基金會
Chhong-Bi Memorial Fund
c/o Westchester Trinity Taiwanese Church
P.O. Box 501
Scarsdale NY 10583 USA

April 10th, 2006
寒冷ê 寒天漸漸欲過去啦,希望恁大家有健康勇健ê 生活。

時間過真緊,北美州ê 聰美記念基金會佇恁ê 愛顧ê 內面,越轉身已經經過十二年ê 歲月啦(Tùi 25 期到本結束期ê 142 期)。『台文通訊』ê 風格、理念、kap 做法嘛已經定形,佇島內及海外嘛已經有固定ê 讀者群。這時陣阮感覺本基金會階段性ê 使命已經完成啦,所以tùi… [ Read more ]

『聰美姐紀念基金會』簡介
有關聰美基金 / March 1, 2006

May 1, 2006

聰美是一位醫生,伊也是一位平凡ê台灣婦女,但是伊過了一個偉大ê一生。伊kap夫君伊藤邦幸醫生結婚了後,相牽去偏僻ê Nepal作醫療服務七冬,轉來日本後,伊就用井上魯鈍ê名,每個月奉獻日圓伍萬kho͘, 互『台灣青年』雜誌做台灣獨立運動ê路用。按呢繼續將近20冬無停,一直到伊過身六冬後,伊ê故事才tùi日本翻譯過來互大家知影。

這個故事已經佇台灣教會公報,台灣公論報,以及美國台灣同鄉會聯合鄉訊等報導,引起海內外台灣人真大ê共鳴,大家踴躍獻金,所獻ê金額也攏有經過台灣教會公報社、台灣衛鄉教會、波士頓台灣教會等,直接寄去互佇哈佛大學進修中得中風ê夫君伊藤先生。伊藤先生已經佇… [ Read more ]

「南台巡禮,bē死心」

「南台巡禮,bē死心」
<聰美姊紀念基金會>

-陳柏壽 牧師-

近日聰美基金會ê人有轉去台灣,飛機衝破一層厚厚ê烏雲才看著小港機場ê跑道。全高雄tùi透早到暗24點鐘攏是罩tī污染ê雲傘內面。Tùi小港機場出發,一路是唐á榮鐵工廠ê大煙筒,各種製肥、製鋁ê工廠,大量ê烏煙噴按一片無辜ê平民ê住宅區去。可憐ê人民,只有tī烏煙內喘khùi,連講話ê聲音to去hō͘飛龍機聲遮過。大資本家、大頭家一個一個攏tī高級別墅teh逍遙,抑無tō是tī外國ê樂園地方teh遊山玩水。

往台南ê路中經過最近開設ê東西高速公路,運掌講這12條東西橫向ê攏是宋省長手下作ê,hō͘阮想起莫怪古早以來,無論去到tóž位,pōng空、大橋、大樓、公家工廠,攏有大官刻名留牌ê現象。伊本來是人民ê公僕,台灣人勤儉ê血汗錢,伊亂開亂貪,到時完成ê建築,講攏是伊hō͘百姓ê恩典。這種現象表示台灣社會ê民主意識,猶停留tī幼稚園ê階級。… [ Read more ]

呼籲 – 設立「共同發行人」ê代誌
台語文的筆跡 , 有關聰美基金 / September 21, 2000

呼籲  – 設立「共同發行人」ê代誌

敬告各位「台文通訊」讀者:

五十外冬ê國民黨統治hō͘咱看著台灣話kap台灣語文ê凋零kap消失,hō͘咱感覺台灣局勢親像入秋ê悲觀kap失望;咱親生ê子孫,一個一個越頭去講別人ê話,親像半路á認別人作父作母,叫人作阿公。

台灣語言若失去,台灣民族kap文化ê根就喪失,台灣人beh作一位真正ê台灣人就無可能啦!莫怪學者講:「Beh消滅一個民族,最好最有效ê方法,就是消滅伊ê語言。」中國人執政者過去tī咱ê美麗島從事ê恐怖政策,就是beh消滅咱ê語言文化,hō͘咱bē記得咱是台灣人、是講台語寫台文ê民族。… [ Read more ]

新千年代門口ê變數
台語文的筆跡 , 有關聰美基金 / January 16, 2000

新千年代門口ê變數
<聰美紀念基金會>

– 陳柏壽牧師 –

有人期待來到千禧年ê門口,in向政府kap銀行貸款ê債務,因為電腦忽然故障,一筆勾銷,天下太平。但是這個物資世界ê運作無hiah好空,無論天公上帝按怎交代,一仙一分都bē hō͘你走閃去。Che若準是一種不變ê幻想。

過去半千年代ê台灣,是風風雨雨ê歷史。咱ê查某祖已經tī hia tòa五、六千甚至萬外冬,查甫祖mā來這個美麗島過半ê千冬,後來koh有日本仔海賊,有紅毛仔(就是荷蘭仔),亦有西班牙、葡萄牙人,來chia定居做生理,佔土地,開農場,種甘蔗。咱ê查甫祖kap查某祖ê運命,就是kap台灣ê土地結作一伙,kap台灣ê命運剝bē開,叫做『台灣人』,mā叫做『台灣民族』。五十冬前,koh… [ Read more ]

Translate »
Web Design MymensinghPremium WordPress ThemesWeb Development

懷念秀蘭姊 (New York 衛鄉教會敬告)

April 19, 2016April 19, 2016

各位鄉親朋友:

我們所愛戴,思念的秀蘭姊,已於 Las Vegas 時間八點零五分,在她深愛的丈夫,子女及教會牧長會友,聖歌隊的歡送中離開,蒙天父恩召回天家。 耀勳兄說,那一刻,秀蘭恢復了她美麗的面孔,安然地睡了。

我們慶幸曾經分享過她燦爛的一生,她的熱情,幽默的談笑,愛故鄉台灣,堅強的信仰,令人感動的禱告詞,還有一手好菜滷肉,,,,這些都會留在我們的記憶中,永遠地懷念她。

讓我們繼續為耀勳兄及全家禱告,求主安慰保守,勇敢地面對再來的明天。

衛鄉教會敬告

公募聰美姐記念基金會「印信」、「表徽」(logo)啟事

March 11, 2016March 11, 2016

列位讀者:

二十幾年來咱遵守聰美姐遺留的精神,繼續進行台灣語言文字化以及啟蒙振興台灣精神的工作。現在咱著創造一個代表咱基金會精神的表徽:代表默默做工、恬恬獻身的聰美精神。

希望有心的兄姊大家向這方向做伙來思考,創造一個適當咱的內涵,做咱對外的印信或表徽。有結果的時,咱基金會會準備好的感謝。請提供恁的尊貴的意見用e-mail或批信,寄互任何一位基金會負責人。感謝。

聰美姐記念基金會 敬致