生佇苦難時代个老爸

(日本原曲：港町雪月花)

台語歌詞：王政友

羅馬字：賴柏年

（一）

出身佇村外荒郊

Chhut-sin tī chhun-gōa hng-kau

落雨又兼厝頂漏

Lo̍h-hō͘ iū kiam chhù-téng lāu

受大時代所創治 (創治：捉弄)

Siū tōa sî-tāi só͘ chhòng-tī

一生看盡三國鬥

It-seng khòaⁿ-chīn sam-kok tàu

身份認同 亂操操

Sin-hūn jīm-tông loān-chau-chau

時局動亂 萬民若草狗 (草狗：芻狗)

Sî-kio̍k tōng-loān ná chhàu-káu

百姓散赤 神驚鬼嘛哭

Peh-sèⁿ sàn-chhiah sîn kiaⁿ kúi mā khàu

偌濟人一頓飽三日冷灶

Nā chē lâng chit-tǹg saⁿ-ji̍t léng-chàu

一條莱脯配飯包

Chit-tiâu chhài-pó͘ phòe pn̄g-pau

痛你半暝頭犂坐床頭 (頭犂：,!!br0ken!!

Thiàⁿ lí pòaⁿ-mê thâu-lê chē chhn̂g-thâu

（二）

時到季節秋冬交

Sî-kàu kúi-chiat chhiu tang kau

上驚北風吹阮兜

Siōng-kiaⁿ pak-hong chhoe goán-tau

長夜漫漫痰哽喉

Tn̂g-iā bān-bān thâm keⁿ âu

最煩序細鼻水流 (序細：子女)

Chòe hoân sī-sè phīⁿ-chui lâu

庒頭庒尾 看透透

Chng-thâu chng-bóe khòaⁿ thàu-thàu

逐家仝款 做穡做到老

Ta̍k-ke kâng-khoán chò-sit chò kàu lāu

拄著歹冬 操煩租金扣

Tú-tio̍h pháiⁿ-tang chhau-hoân cho͘-kim khàu

行到店頭驚橐袋錢無够 (橐袋：口袋)

Kiâⁿ-kàu tiàm-thâu kiaⁿ lak-tē chîⁿ bô-kàu

無錢賒數難開口 (賖數：賖帳)

Bô-chîⁿ sia-siàu lân khui-kháu

痛你身虚三更床邊嗽

Thiàⁿ lí sin-hi saⁿ-keng chhn̂g-piⁿ sàu

（三）

透早出門巡圳溝

Thàu-chá chhut-mn̂g sûn chùn-kau

日落勤割田岸草

Ji̍t-lō khîn koah chhân-hōaⁿ chháu

只有新春過年日

Chí-ū sin-chhun kòe-nî-ji̍t

笑容看阮放鞭炮

Chhiò-iông khòaⁿ goán pàng pian-phàu

回想過去 強欲哮

hôe-siūⁿ kòe-khì kiōng beh háu

老爸飼囡 毋捌算幾斗 (毋捌：不曾)

lāu-pē chhī-kiáⁿ m̄-bat sǹg kúi táu

阮養老爸 到底幾粒豆

Goán ióng lāu-pē tàu-té kúi lia̍p tāu

相片前向你叩謝親恩厚

Siòng-phìⁿ chêng hiòng-lí khàu-siā chhin-un kāu

光明總佇點燈後

Kong-bêng chóng tī tiám-teng āu

傷慢點燈心痛藥無効 (傷慢：太遲了)

Siuⁿ-bān tiám-teng sim-thâu io̍h bô-hāu