Tīⁿ Jî-gio̍k Bo̍k-su bông Chú un-tiàu

Dec 11, 2014  Tâi-oân lâm-siā Tiuⁿ Ho̍k Chû i-su te̍k-pia̍t pò-tō

Lán kèng-ài ê Bo̍k-su, Tīⁿ Jî-gio̍k, tī ê-po͘ 4 tiám 55 hun í-keng tn̂g-khì

Chú ê sin-piⁿ lah!

Tāi-iok 2 lé-pài chêng, Bo̍k-su ê chō͘-lí Hūi-bûn khà tiān-ōe lâi, kóng Bo̍k-su lâng bô sóng-khoài, ài góa khì kā khòaⁿ.

12/2 Góa khì Tâi-lâm-chhī kàu-io̍k-kio̍k khui-hōe.

Kòe-tàu,khì thàm-hóng Bo̍k-su.

Bo̍k-su lâng kha-chhiú ē chhoah.

I ūi-kháu bô-hó, chia̍h bē lo̍h.

Góa khòaⁿ liáu, jīn-tēng êng-ióng bô kàu, thoat-chúi.

Kiàn-gī i ke chia̍h, ke lim.

Koh kā kóng 12/20 lán beh Sèng-tàn chū-chhan, chhiáⁿ i ài lâi.

Hit-chūn i kóng, “Góa bô hoat-tō͘ chē kú, mā chia̍h bē lo̍h–khì.

Bô beh khì chham-ka chhan-hōe.

Lín beh khì ê chìn-chêng lâi kā góa say hello. Án-ne chiū hó.”

Beh cháu sî góa ū khǹg Bo̍k-su ke-kiám chia̍h khah chē leh.

Hi-bāng Sèng-tàn chū-chhan Bo̍k-su ē-tàng lâi.

Taⁿ, Bo̍k-su í-keng bông Chú un-tiàu, tn̄g-khì tī Chú ê sin-piⁿ!

Kin-á-ji̍t ê-po͘ 3 tiám 50 gōa hun, Bo̍k-su khì piān-só͘.

Chiàu-kò͘ Bo̍k-su ê Hui-iong kám-kak pān-sè m̄-tio̍h.

Kín kiò Hūi-bûn.

Hūi-bûn kàu, hoat-hiān í-keng bô sim-thiàu!

Kiò 119 lâi, sàng Sin-lâu Pēⁿ-īⁿ.

Mā-sī bô pan-hoat.

16: 55 i-seng soan-pò͘ sí-bông

鄭兒玉牧師蒙主恩召

Dec 11, 1014台灣南社張復聚醫師特別報導

咱敬愛的牧師， 鄭兒玉, 佇下晡4點55分已經轉去主的身邊啦！

大約2禮拜前, 牧師的助理慧文khà電話來, 講牧師人無爽快, ài我去給看。

12月初2我去台南市教育局開會。過晝去探訪牧師, 牧師人腳手會chhoah, 伊胃口無好, 食袂落。

我看了, 認定營養無夠, 脫水。建議加食，加lim。閣給講12月20咱欲聖誕聚餐, 請伊ài來。彼陣伊講：『我無法度坐久, 嘛食袂落–去, 無欲去參加餐會, 恁欲去的進前來給我say hallo，按呢就好。』

欲走時，我有勸牧師加減食較濟咧。希望聖誕聚餐牧師會當來。

Taⁿ, 鄭牧師已經蒙主恩召，轉去佇主的身邊。

今仔日下晡3點50外分，牧師去便所，照顧牧師的菲傭感覺辦勢m̄-tio̍h，緊叫慧文。慧文到，發現已經無心跳。叫119來，送新樓病院。嘛是無辦法。

16：55 醫生宣佈死亡。