台湾頌 Tâi-oân sòng

kap 朋友分享

台湾頌

Tâi-oân sòng

王政友 (Ông Chèng-iú)

啊…….
台湾
風過又逢霜雪降
海翁惡水困牢籠
自由明燈照亞東

台湾人
無論是後山抑是下港
無論是擔菜抑是賣葱
農仕工商逐家相痛疼
逐家命運攏總是相仝

雖然妳親像是海上个孤帆
雖然妳个過去是無盡个惡夢
雖然有人毋願拍開心內个窗
心內个結頭毋願放
將妳坎坷毋擱光榮个過去
暗暗仔藏

久長來
毋管面前天寒地凍
毋管是湧大海茫茫
毋管是肩胛萬斤重
阮心內有一个向望
總有一工
過萬重山破萬重網

將
和平个鐘聲傳萬邦
掙脫束縛
做世界一等人

Ah…….
Tâi-oân
Hong kòe iū hông sng-soat kàng
Hái-ang o̍k-chúi khùn lô-lang
Sò͘-pah-nî kiap hô-ji̍t bóan
Chū-iû bêng-teng chiò A-tang

Tâi-oân-lâng
Bô-lūn sī āu-soaⁿ iah-sī ē-káng
Bô-lūn sī taⁿ-chhài iah-sī bē-chhang
Lông-sū kang-siong ta̍k-ke sio thàng-thiàⁿ
Ta̍k-ke miā-ūn lóng-chóng sī sio-kāng

Sui-jiân lí chhin-chhiūⁿ sī hái-siōng ê ko͘-phâng
Sui-jiân lí ê kòe-khì sī bô-chīn ê ok-bāng
Sui-jiân ū-lâng m̄-goān phah-khui sim-lāi ê thang
Sim-lāi ê kat-thâu m̄-goān pàng
Chiong lí khàm-khiat m̄-koh kong-êng ê kòe-khì
Àm-àm-á chhàng

Kú-tn̂g-lâi
M̄-koán bīn-chêng thian-hân tē-tòng
M̄-koán sī éng tōa hái bâng-bâng
M̄-koán sī keng-kah bān-kin tāng
Goán sim-lāi ū chi̍t-ê ǹg-bāng
Chóng ū chi̍t-kang
Kòe bān-têng-soaⁿ phò bān-têng-bāng

Chiong
Hô-pêng ê cheng-siaⁿ thoân bān-pang
Chēng-thoat sok-pa̍k
Chò sè-kài it-téng-lâng

kap 朋友分享