香港人ê 語言意識

– 陳柏壽牧師 –

日本Yomiuri Shimbun (讀賣新聞) 今á日 (l0/21/97) ê消息：香港ê首腦董建華tī今日ê施政報告中被要求tio̍h對頭到尾用廣東話報告才會使。

In老爸tī伊12歲ê時就chhōa伊tùi上海來香港。當時伊ê母語是上海話。後來伊去英國讀冊，koh來美國讀四年，海外生活ê時間久。伊koh攏無認真學廣東話，所以廣東話講無好。

Tī二點鐘久“施政報告” ê 中間雖然發音無正確mā被要求只有tio̍h用廣東話發言。所以thih-thih thu̍h-thu̍h，其中有三次強強無法度講落去。因為發音有真chē差錯，hō͘香港人kap香港報紙大大攻擊，也產生真chē笑話。

對這項記事，我有三點感想：

一、    香港人ê語言意識真強，對台灣人是真好ê教示。

二、    香港ê「特首」mā需要受香港文化ê主宰。外省中國人入香港tio̍h tī議會用香港話報告。Tī台灣ê首腦，tio̍h用中國話報告，真正是天地之差。董特首chit-má mā日kap暝攏chhiáⁿ家庭教師tī in厝teh kā伊教廣東話。

三、    董建華已經宣佈對明年九月開始，所有香港ê中小學校全面改用廣東話教育。Che是台灣kap人bē比得ê所在。董建華家己講伊是第一位需要再教育ê人。

（本文刊載tī「台文通訊」第51期，Feb.,1998）