幾項違反正統教理的歷史事件

陳柏壽 Nov. 13, 2015

新英格蘭13州反抗英國正統教會的基礎是建立在Thomas Paine的「常識」理論：革命是一種常識，是人民的良知及良能。另外Thomas Jefferson認為政府應該建立在民有、民主、民享的基礎，人人佇上帝面前平等。遮的理論及正統教會衝突，引發美國人的獨立運動（1775年）。

19世紀初期Charles Darwin發現生存競爭，適者生存的進化理論。教會的正統認為世間一切物種是對創世的時代及創世的地點（現在土耳其境內創世山）一貫流傳延伸，完全不變。世間所有人種及文化，攏無獨立存在，攏是對遐來的衍生物，所以台灣人及台灣文化，毋是獨立存在，是「一統」的一部分。真濟教會到今日，猶認為因的這種教理不可受挑戰。

1905年Albert Einstein發現物質及能源可以轉換及相通，物質及能源毋是獨立存在：鈾爆發會產生原子能，所以會當製造原子彈，會當核子發電；另外，上帝的「道成肉體」，也是宇宙中的精神及能源，濃縮結晶成做肉體的結果。對伊以後，科學家發現「時間」及「空間」是相對的存在，毋是獨立的存在。在上帝看，時間及空間是同一體。這chia-ê理論攏違反教會的正統教理。

1960年代Dr. Martin Luther King, Jr.為著欲爭取烏人及白人平起平坐，去互人暗殺；1991年Nelson Mandela佇南非，為著拍破白人優越主義，拍破南非白人歸正教會的專制，二十外年互人關佇嶽內。對當時的教會來講，因這款思想是野蠻、不可思議、破壞團結的代表。

教會千外冬來攏教示信徒：咱toà的地球是宇宙中心，太陽及其他星球攏是佇地球周圍teh se̍h。一直到1610年義大利人Galileo講毋是，毋是。伊講地球是teh se̍h太陽，太陽閣teh se̍h一個閣較大的圈的宇宙軌道。伊講這個理論以後隨時互教會掠去關，關8年，一直關到伊死。教會講伊是異端，伊違背聖經教示。

1517年10 月31日Martin Luther 佇Wittenburg教會貼出95條反教皇宣言，對修道院互人追殺、逃難、公審、孤單；最後佇Worms，伊一個人，佇受眾主教、祭司及眾貴族權威面前，受宗教審判。佇hia伊完全無倚無靠，只好給上帝祈禱講：「上帝啊，我的生命到遮，是最後的絕路，我已經完全講完我的良心著講的話，我已經無位通去，我只有仰望你，請你救我一命！」牴觸正統教條的權威，是何等可怕的代誌！