犧牲換來覺醒

June 4, 1992
kap 朋友分享

親愛的讀者:
今天這篇投書是紐約衛鄉台灣教會的陳牧師針對「宗教戰爭」一文的迴應。雖然對阿香這種不無學無術的外行人來說,宗教仍然是「不可說,不可說」的境界,但陳牧師以內行人的身份,非常誠懇、客氣、理性的分析、解說,難得的是絕對無「八股」,請大家以福佬話來讀這篇。
阿香

犧牲換來覺醒

阿香姊早安:
最近看婦女信箱鬧熱滾滾,實在真有意義。四月十六hit張「宗教戰爭」ê批猶留tī我ê桌頂,親像一支魚刺kêⁿŽ tī nâ喉,吞bē落去。我mā知影作者寫hit張批ê時,一定mā是目屎吞落去腹肚底寫出來ê心聲。阿香姊有鼓勵信徒作反應,可惜只有四月廿美里姊ê一張批講幾點相當好ê見解,但是按怎台灣教會漸變到chiah lak-sui (落衰)ê地步,亦猶無講著。我作一個牧師人無法度kek恬恬(tiām-tiām),提筆寫這張批。

台灣教會變chiah lak-sui,有伊ê歷史背景。過去殖民時代派來東方傳教ê西方傳教師,真自然只有傳「殖民地ê基督教」ê道理:叫信徒作好人,作公德,thang入天堂得永生nā-tiāⁿŽ。一百幾冬以來,特別是hia ê隨蔣介石來台灣ê中國人ê基督教會到位以後,tī台灣ê基督徒khah chē是西瓜žóa大旁ê人物,大部份是中產階級以上ê地位,將宗教信仰當作高尚爽快ê消遣,對社會大眾ê代誌無關心,對自己作主人m̄敢有寄望。

但是基督徒有一點特色:就是上帝teh容忍教會ê腐敗同時,有一部份基督徒ê良心會發現,真正信仰ê力量會pù芽。台灣長老教會ê「阮ê心聲」「國是聲明」等,就是這款人具体ê行動。今á日tī台灣ê社會運動,真chōe攏是kap台灣教會無法度脫離關係。我相信「一個非教徒」ê觀點,是出tī對美國台灣教會ê感慨,無應該是對台灣本土教會ê失望。

在美台灣人大部分是智識階級,亦是中產階級,對宗教以及教會ê看法,tú-tú是hit位「非教徒」女士 (或先生)所講,kap古早殖民地形態ê基督教無差,甚至kap嘉嘉女士所講ê「亂七八糟ê教」差無外chōe。Che是咱生活tī美國ê gâu讀冊ê牧師以及眾會友,第一tio̍h反省ê所在。咱不但輸世界真chōe所在ê真有光熱ê教會hn̄g-hn̄g(遠遠)。連咱故鄉teh拍拼出頭天beh作主人ê台灣教會輸到hn̄g-hn̄g。真正teh tòe人bē-tio̍h ê是咱這群台美人。

但是請婦女信箱ê讀者知影,m̄是所有ê台美人教會攏按呢lak-sui。譬一個例來講,阮tī紐約北方Westchester ê衛鄉台灣教會就m̄是這款形。阮所beh訓練培養ê目標,第一是大家tio̍h先會曉作一個「人」,作一個有理性、知輕重、有熱情ê現代人;第二步才訓練大家會曉作一個會kap台灣故鄉ê血脈同生活、同進退、同患難、同拍拼ê「台灣人」(所以號作衛鄉);最後一步,才有資格來訓練咱作一個有責任有成熟ê人生觀ê「基督徒」。這三個階段kap順序,m̄-thang顛倒,因為beh作一位真正ê基督徒m̄是hiah簡單,beh建立一個真正發光koh有味ê教會是一條真艱苦ê路。隨封附上阮教會會歌hō͘恁作參考,可能tùi hia恁會tàng知影阮ê本質ê一部份。阮絕大部分ê會友攏是大家所敬愛為台灣故鄉獻金獻心ê兄姊,甚至阮ê二位會友,一位榮芳兄tī台灣kap KMT teh車拼,一位康陸兄是tī KMT ê烏牢ê內底受苦。請hit位疼台灣ê「非教徒」安心,了解,並kā阮支持。
陳柏壽牧師

衛鄉教會會歌
犧牲換來覺醒

失去尊嚴 來被壓迫
人生有 啥意義
人無自尊 像無靈魂
社會 已無公理
台灣人 台灣人 要覺醒
打拼 為自己
榮華富貴 無啥意義
犧牲 換來覺醒

(本文刊載tī台灣公論報,4/Jun/1992)

kap 朋友分享

No Comments

Leave a Reply

Your email address will not be published. Required fields are marked *

Web Design MymensinghPremium WordPress ThemesWeb Development

懷念秀蘭姊 (New York 衛鄉教會敬告)

April 19, 2016April 19, 2016

各位鄉親朋友:

我們所愛戴,思念的秀蘭姊,已於 Las Vegas 時間八點零五分,在她深愛的丈夫,子女及教會牧長會友,聖歌隊的歡送中離開,蒙天父恩召回天家。 耀勳兄說,那一刻,秀蘭恢復了她美麗的面孔,安然地睡了。

我們慶幸曾經分享過她燦爛的一生,她的熱情,幽默的談笑,愛故鄉台灣,堅強的信仰,令人感動的禱告詞,還有一手好菜滷肉,,,,這些都會留在我們的記憶中,永遠地懷念她。

讓我們繼續為耀勳兄及全家禱告,求主安慰保守,勇敢地面對再來的明天。

衛鄉教會敬告

公募聰美姐記念基金會「印信」、「表徽」(logo)啟事

March 11, 2016March 11, 2016

列位讀者:

二十幾年來咱遵守聰美姐遺留的精神,繼續進行台灣語言文字化以及啟蒙振興台灣精神的工作。現在咱著創造一個代表咱基金會精神的表徽:代表默默做工、恬恬獻身的聰美精神。

希望有心的兄姊大家向這方向做伙來思考,創造一個適當咱的內涵,做咱對外的印信或表徽。有結果的時,咱基金會會準備好的感謝。請提供恁的尊貴的意見用e-mail或批信,寄互任何一位基金會負責人。感謝。

聰美姐記念基金會 敬致