淺談男女的「性體」及「神體」
– 陳柏壽 牧師 –
一般講人類需要偶像才會生存。偶像就是人崇拜的對象,是會當將家己全精神及生命奉獻的對象。所以看著戀愛的男女,因為愛情受阻擋,常常做伙去死的情形。人一生互相倚靠的老伴,忽然轉去他界的時,伊自按呢失去伊心內的偶像,生命開始衰微,漸漸進入死亡,因為久長生活的夫妻,對方就是伊的偶像。現時代的做神運動的蔣介石,日本懊母真理教教主麻原,攏是真濟人心目中標準的「偶像」。
你袂使(bōe-sái)踏入我的偶像的聖域,我心內的偶像是我一切的一切,是我生命的紅線。男女關係的性行為就是阮的紅線,不准任何第三者入侵。人深信咱的偶像會互咱的生命閣較完全,對方就是我活落去唯一的意義及目的。佇西雅圖我一位真和諧古意的台灣人朋友,無想到伊的囝去刣死伊同性戀的同伴,閣食伊的肉,理由伊講是因為「伊真痛伊!」。無論同性戀或是異性戀,「性」有時會變做一項可怕的物件。人結婚了後,肉體上毋是(m̄-sī)欲霸佔對方的肉體,是互相包容,互相體貼,不可強求對方(哥林多前書7:4)。… [ Read more ]