踏話尾
台語文的筆跡 / November 1, 2002

踏話尾

日本話講:「Kaeru no ko, kaeru.」 這句話有二個意思:有hit種水雞母,就會生hit種水雞kiáⁿ。另外ê意思是:Beh轉去ê gín-á,一定會轉去,你kā擋mā擋bē-tiâu。

有真長ê時間,我一直看『教冊仔』看bē起,因為阮爸爸一世人tī國民小學作『散教員仔』作四十五冬,飼六個kiáⁿ,散到強beh hō͘mô͘-sîn-á(鬼仔)掠去。為著beh逃閃阮爸爸ê運命,我出外去流浪,天涯海角,啥物所在攏好,啥物事業攏好,tō是無beh kiu toh台灣作老師。無想到taⁿ tih-beh六十歲,soah越… [ Read more ]

【電子批】 賣花姑娘
台語文的筆跡 / October 16, 2002

【電子批】 賣花姑娘

柏年兄:

你講你若轉去加拿大以後tō無時間寫批。Chit-má soah閒kah會送文夏ê「台南ê賣花姑娘」來hō͘阮聽。

文夏(有人叫伊Bûn-hē,阮bat ê人攏叫伊Bûn-hā)ê歌是我古早做thit-thô gín-á ê時代愛聽ê歌。文夏是台灣歌謠界上大ê偶像 (idol,big star)。伊ê歌真清脆,聲質真súi,優秀,樂觀。照我所知,伊一世人攏無唱中國歌。

但是這條「賣花姑娘」我昨暗七月尾tī阮學校邊,中洲廟ê廟á口ê戲壇(open theatre)tō有聽–著。Tī廟á口,神明桌ê頭前有四台ê戲棚攏作伙teh做戲:有一台是teh演「脫衣舞」兼賣膏藥,一棚是teh演「karaoke」唱文夏ê歌,一棚歌á戲是teh唱「山伯英台」,最後bih… [ Read more ]

語言「聖域」者ê拍手
台語文的筆跡 / October 15, 2002

語言「聖域」者ê拍手

-陳柏壽 牧師-

頂禮拜羅王明珠女士用日語請安ê風波,僑務委員長張富美向國會議員道歉,引起民間稱呼張女土為「道歉委員長」ê諷刺,因為民間對伊就任以來,khap-bōe-tio̍h (動不動)就道歉ê行為,真bē-tàng認同。道歉應該是非常ê行為,m̄是正常ê行為。世界各民主國家ê政治家,任何道歉行為應該牽連著伊ê政冶責任。

但是這項代誌無應該道歉。張女士ê道歉已經加添語言聖域主義者ê勢力,in已經有法度一步一步將所謂「國語」ê地位神聖化;有一日凡若tī公開場合無用北京話發言,攏會親像張女土同款,受in… [ Read more ]

來去Hawaii結婚!
台語文的筆跡 / October 4, 2002

來去Hawaii結婚!

-陳柏壽 牧師-

『Gokekkong Omededogozaimas!』主持婚禮ê牧師照英文字母唸了,結婚結束啦!公司準備ê超大型ê limousine停tī門口; 一批出去,另外一批入來。入來到出去,前後bē超過30分鐘。

「Hawaii是山明水秀,人傑地靈ê好所在,充滿著Romantic ê氣氛。」Che是作日本生理ê結婚公司tī各地報紙、雜誌,甚至飛機頂ê電影ê廣告。莫怪日本青年舊年有七萬對tī海外結婚,其中七成以上是來Hawaii結ê。有人講東京都有23區,Hawaii是東京都ê第24區,專門hō͘人結婚用ê。… [ Read more ]

受苦ê記號
台語文的筆跡 / June 2, 2002

受苦ê記號
<訪問維也納唯一ê長老教會>

-陳柏壽 牧師-

Hit日kap寬惠姊兩人約好,去訪問維也納唯一ê長老教會「Die Evangelische Gemeinde H. B. In Wien」ham牧師Johannes Langhoff見面。一踏入禮拜堂,發現親像一個密密bōe過風、無日頭ê地下教會。原來對這間教會ê建築結構,會tàng看著幾百年來,一直到今á日,新教教會ê苦難。

宗教改革以後,整個二百年中間,奧國王公嚴格禁止新教ê設立,一直到十八世紀末期,奧皇Joseph二世才容忍東正教ê存在。Hit時路德宗kap改革宗設法tī巿中心買一間廢棄無用ê修道院,準備beh設立教會。當局雖然講是「容忍」,猶是嚴格禁止設立教會,只准設立「祈禱室」,室外不准有教會式ê建築物,不准設tī大路邊,不准有鐘塔、時鐘等顯目ê物。同時亦不准tī教會內做任何主日學等宗教教育ê活動。… [ Read more ]

食飯ê代誌
台語文的筆跡 / May 5, 2002

食飯ê代誌
<維也納牧會筆記>

-陳柏壽 牧師-

今á日一個人摸去第九區 Nussdorferstrasse 54號去chhōe Schubert(舒伯特)出世ê所在。三月天猶是風真thàu,天氣亦真寒冷。到位才知影是一個小小ê公寓ê二樓頂,只有二間房間(一間做chàu-kha,一間做全家ê睏房,只有大約25平方公尺)。

時間轉去205冬前

205冬前,Schubert是tī這間chàu-kha出世ê,因為除了chàu-kha以外,無其他ê空房,隔壁房間攏是gín-á。伊ê父母tī chia tòa十四年,mā tī chia生了十四個kiáⁿŽ,一冬一個。老父是國民學校老師,薪水少,beh飼hiah… [ Read more ]

離開故鄉愈遠,心愈近故鄉
台語文的筆跡 / April 14, 2002

離開故鄉愈遠,心愈近故鄉
<維也納牧會筆記>

-陳柏壽 牧師-

全歐洲ê台灣同鄉會(chit-má改做台灣協會)kap奧國ê奧地利台灣協會tī維也納舉行二二八紀念大會ê時,交代我主講,我看著外交部交流處ê處長mā坐tī hia,tùi頭聽到尾。我用舒伯特ê Lindenbaum(菩提樹)hit條gín-á歌作引言,講二二八是咱台灣人心靈寄託ê所在,會後有幾偌(jōa)位讀音樂ê台灣學生走來kā我講,in真愛hit條歌。

我tiāⁿ-tiaⁿŽ teh想,來到遠遠天邊ê維也納teh討thàn ê台灣人實在偉大。Tī … [ Read more ]

繼續ê運動
台語文的筆跡 / April 1, 2002

繼續ê運動

<全歐台灣協會二二八紀念會講辭>

– 陳柏壽 牧師 –

我心內第一敬疼ê台灣鄉親,平安。

平時我真少稱呼人作「第一敬疼」,但是每年ê二二八紀念會ê時,tùi我心中上深ê所在,我攏會稱呼來參加大會ê台灣鄉親值得人「第一敬疼」。

古早阮阿母定定講:食飯ê時,gia̍h箸gia̍h真koân ê gín-á大漢一定去到遠遠遠討thàn,抑無就是去chhōa外國某。咱chia ê來到歐洲維也納ê鄉親,一定食飯ê時,箸gia̍h kah koân koân,若無bē嫁來到hiah遠ê維也納,真正是天邊海角,世界另外hit旁ê雲頂。… [ Read more ]

奧國,m̄是“Àu-kok”
台語文的筆跡 / March 17, 2002

奧國,m̄是“Àu-kok”

– 陳柏壽 牧師 –

奧國(Austria,德文叫做Österreich,Ost東部,Reich帝國,是tī東方ê帝國ê意思)人口只有約七百萬。雖然奧國人講德語,但是歷史以來,奧國人攏身以奧國為榮,無人認為in是德國人。古早有一段真長ê歷史中,奧國不但管轄德國,甚至管轄全歐洲大陸,一直到荷蘭ê海邊。到德國希特勒興起,反轉受德國吞併,二次戰後,才宣佈獨立。「奧國」kap「德國」ê關係,會使用「加利利」kap「猶太」,抑是「台灣」kap「中國」ê對比,就khah容易理解。

奧國ê經濟無真好,討thàn生活無簡單。奧國ê政府用「工作證」來控制外國來ê移民,所以tī維也納生活ê台灣人,除了學音樂ê學生以外,thang講清一色是開餐廳,其他政治、教育、商業等機構,真少有台灣人參與ê空間。… [ Read more ]

對奧國亡國講起
台語文的筆跡 / February 7, 2002

對奧國亡國講起

-陳柏壽 牧師-

奧國人變作真正ê奧國人是二次大戰戰後ê代誌。這其中有一段真悽慘ê歷史,值得現在ê台灣借鏡警誡。

第一次大戰後,奧匈帝國領土四分五裂,捷克、波蘭、Hungary、Yugoslavia各地宣佈獨立,奧國週邊土地受列國侵占割分。Habsburg王朝末代皇帝Kaiser Karl財產受查封,放逐到瑞士山區。Che kap戰後蔣介石集團ê運命有對稱。

1918年Karl Renner任戰後第一任首相,這時奧國ê去路有三個選擇:(a)建立多瑙河流域聯邦; (b) kap德國合併; (c)恢復Habsburg王朝。第一kap第三種ê構想代先反對ê就是捷克、Hungary、羅馬尼亞、Yugoslavia,連波蘭mā反對。In攏無願意koh屈服tī大體制之下。尤其是捷克首都… [ Read more ]

Web Design MymensinghPremium WordPress ThemesWeb Development

懷念秀蘭姊 (New York 衛鄉教會敬告)

April 19, 2016April 19, 2016

各位鄉親朋友:

我們所愛戴,思念的秀蘭姊,已於 Las Vegas 時間八點零五分,在她深愛的丈夫,子女及教會牧長會友,聖歌隊的歡送中離開,蒙天父恩召回天家。 耀勳兄說,那一刻,秀蘭恢復了她美麗的面孔,安然地睡了。

我們慶幸曾經分享過她燦爛的一生,她的熱情,幽默的談笑,愛故鄉台灣,堅強的信仰,令人感動的禱告詞,還有一手好菜滷肉,,,,這些都會留在我們的記憶中,永遠地懷念她。

讓我們繼續為耀勳兄及全家禱告,求主安慰保守,勇敢地面對再來的明天。

衛鄉教會敬告

公募聰美姐記念基金會「印信」、「表徽」(logo)啟事

March 11, 2016March 11, 2016

列位讀者:

二十幾年來咱遵守聰美姐遺留的精神,繼續進行台灣語言文字化以及啟蒙振興台灣精神的工作。現在咱著創造一個代表咱基金會精神的表徽:代表默默做工、恬恬獻身的聰美精神。

希望有心的兄姊大家向這方向做伙來思考,創造一個適當咱的內涵,做咱對外的印信或表徽。有結果的時,咱基金會會準備好的感謝。請提供恁的尊貴的意見用e-mail或批信,寄互任何一位基金會負責人。感謝。

聰美姐記念基金會 敬致