故鄉情   王政友

窗外北風吹 寒夜孤雁飛
三十年 輕輕流過
聽講有人故鄉來
正應該 連三杯
厝後三叢梅 對岸菅芒花
久長日 更深夢回
上驚滿腹故鄉情
一時間 講無話

黃金妝稻尾 金風搖竹椏
西山頂 彎彎新月
岸邊老農拖長影
桃源景 誰人畫
獨夜守燈火 更深紅露陪
好厝邊 夢中相會
聽講田園無種作
無奈何 頭殼垂
Kò͘-hiong Chêng                Ông Chèng-iú

Thang-gōa pak-hong chhoe, hân-iā ko͘-gān poe

Saⁿ-cha̍p nî khin-khin lâu-kòe

Thiaⁿ-kóng ū-lâng kò͘-hiong lāi

Chiàⁿ eng-kai liân saⁿ-poe

Chhù-āu saⁿ châng mûi, tùi-hōaⁿ koaⁿ-bang-hoe

Kú-tn̂g ji̍t, keⁿ-chhim bāng-hôe

Siōng-kiaⁿ bóaⁿ-pak kò͘-hiong chêng

It-sî- kan kóng bô-ōe

N̂g-kim chng tiū-bóe, kim-hong iô tek-oe

Se-soaⁿ téng oan-oan sin-goe̍h

Hōaⁿ-piⁿ lāu-lâng thoa tn̂g-iáⁿ

Thô-hn̂g-kéng siáⁿ-lâng ōe

To̍k-iā siú teng-hóe

Keⁿ-chhim âng-lō͘ pôe

Hó chhù-piⁿ bāng-tiong siong-hōe

Thiaⁿ-kóng chhân-hn̂g bô chèng-choh

Bô-nāi-hô thâu-khak tûi