真正的人

April 20, 2020
kap 朋友分享

真正的人

陳柏壽牧師

04/19/2020

搬來美國的第一間厝tòa 15冬,共生4個囝。因攏佇遮入學、畢業。因雖然畢業,嘛已經嫁娶,但是出門的時,車駛仔駛,嘛會se̍h去chhip(偷看)彼間舊厝。佇遐,因佇厝內pe̍h高pe̍h低,走sio-jiok,iam-kok-ke,無煩無惱,過天真浪漫的童年。因雖然無入門,但是用目睭映一下舊厝嘛安心:每一個房間,每一叢樹仔,每一蕊花,每一位隔壁的舊的同伴,攏留佇因的心及靈魂內面。看著舊厝心內就滿足,真平安,因為彼是因心靈的故鄉。

一間厝毋是一間厝,毋是物質,毋是磚仔及khongkhuli的物件,佇因的心內有因的感情及靈魂,無論離開外遠外久,舊厝永遠留佇因心內。咱嘛是會使按呢講:所有的物質內面,攏有伊的精神。雖然咱用感官去體會,但是物質後面攏有伊精神的本質及內涵,咱外口看袂著因的精神,但是因的精神有存在。物質及感官的外面,有包一層精神的外殼。

你會當給因講:「戇囡仔,彼不過是一間厝啦!」但是彼間厝,佇囡仔的思考內,是上帝佇因心靈內面做工的舞台。這個舞台無人有法度給伊取去,因為這是佇因心靈的境界,是上帝賞賜因的自由。「自由」是所有人的存在及所有自然的根本,也是咱的上帝的根本。不但大自然的運作在佇「自由」,上帝來世間做人嘛是咧實踐上帝的自由。

頂禮拜眠夢著一位加拿大去台灣做宣教師真久的Peter Kehler(郭)牧師。伊2年前佇溫哥華過身。最近聽講牧師娘嘛過身,阮全家攏去欲做追悼禮。到式場門口,忽然看著郭牧師行出來,用台灣話叫我及牧師娘的名,chhōa阮入去看因牧師娘的身軀。我自按呢醒起來。我袂當瞭解的代誌是,伊已經轉去2年啦,猶久會記佇欲轉來參加因牧師娘的葬式,猶久會記佇阮的名,表示伊佇天頂時時刻刻咧陪咱佇世間的人的一切。

人雖然佇夢中及現實世界有分,但是佇夢中的世界有時及現實世界分袂清。咱每一日攏會轉去上帝遐一擺。閣較認真來想,暗時夢中的世界實在是比日時的世界閣卡實在,閣卡永遠,閣卡是咧支持咱的生命的力量。暗時的世界就是咱魂的胚胎,親像植物的胚胎,植物的胚胎是在佇植物誕生到植物死亡中間形成,人的魂的胚胎嘛是在佇人出世以後,一切經歷,一切人生經驗,一直到死為止來形成的。咱佇夢中看著的郭牧師實在是真正的郭牧師,伊的一生的精神奉獻互台灣,奉獻互牧師娘及伊的囝兒,咱就會當看著郭牧師靈魂的胚胎。佇葬式咱看著的郭牧師是一位繼續存在的郭牧師,伊雖然毋是用肉體外表表現互咱看,但是伊的生命力表現互咱的,是伊生前、一貫的存在的、實體的、不變的一部分。

咱活踮世間有一項的看會著的世界,另外嘛有一項是看未著的世界。其實彼個看未著的世界實在是咧支持、供應、灌沃彼個看會著的世界。咱生來用咱的五官及頭殼來接受外口世界的資訊,經過按呢來產生人的思想,但是經過人的思考及思想,人就變成一個超越感官的存在,人變做毋是自然的人,人變做一個思考及思想的存在,只有這點人才是人,人及世間所有的生物無仝的所在只有在佇遮。

人會曉思考及思想,所以會看著超越感官的境界。人看著彼個世界毋是干單用思想,嘛是加入伊的感情及意志,加入伊佇世間生活的綜合體,加入伊的家庭、社會、國家,四周圍的世界的一切。這種體會是一個真有智慧、真有感性、真有定點、真有目標,真溫暖、平安及完整的存在。所以人會超越現實的感官及物質的世界,用卡遠卡深的目睭來看這個目睭前及目睭彼邊的未來世界。人及其他所有生物無仝。

人就是因為有這種卡高的靈眼,所以人活佇這世間,毋是干單為著生存,毋是干單進入生、老、病、死的循環。另外一句話就是講人雖然袂當脫離自然生存的肉身的界限,人活咧有一個卡高的目標,就是「為著別人」來活。人會是人就是因為伊來世間的目的是為著別人來活,按呢才會揣著伊存在的意義,會揣著伊一生的幸福。人及其他動物無仝的所在,就是為著別人的幸福。用基督教的語言這叫做「祝福」。上帝的祝福是人一生所渴望、追求、祈禱的目標。上帝的祝福毋是目睭看袂著、手摸會著、嘴食會著的物件,但是是咱的存在及靈魂的基礎。上帝的祝福佇咱的肉體看袂著,嘛毋是目睭前的代誌,毋是人意識內感覺會著,但是佇咱每日的生活中著去追求,有一日咱的靈眼若開,咱的靈魂若醒,咱才會知。彼時咱就是一個卡高的人,真正的人。

kap 朋友分享

No Comments

Leave a Reply

Your email address will not be published. Required fields are marked *

Web Design MymensinghPremium WordPress ThemesWeb Development

懷念秀蘭姊 (New York 衛鄉教會敬告)

April 19, 2016April 19, 2016

各位鄉親朋友:

我們所愛戴,思念的秀蘭姊,已於 Las Vegas 時間八點零五分,在她深愛的丈夫,子女及教會牧長會友,聖歌隊的歡送中離開,蒙天父恩召回天家。 耀勳兄說,那一刻,秀蘭恢復了她美麗的面孔,安然地睡了。

我們慶幸曾經分享過她燦爛的一生,她的熱情,幽默的談笑,愛故鄉台灣,堅強的信仰,令人感動的禱告詞,還有一手好菜滷肉,,,,這些都會留在我們的記憶中,永遠地懷念她。

讓我們繼續為耀勳兄及全家禱告,求主安慰保守,勇敢地面對再來的明天。

衛鄉教會敬告

公募聰美姐記念基金會「印信」、「表徽」(logo)啟事

March 11, 2016March 11, 2016

列位讀者:

二十幾年來咱遵守聰美姐遺留的精神,繼續進行台灣語言文字化以及啟蒙振興台灣精神的工作。現在咱著創造一個代表咱基金會精神的表徽:代表默默做工、恬恬獻身的聰美精神。

希望有心的兄姊大家向這方向做伙來思考,創造一個適當咱的內涵,做咱對外的印信或表徽。有結果的時,咱基金會會準備好的感謝。請提供恁的尊貴的意見用e-mail或批信,寄互任何一位基金會負責人。感謝。

聰美姐記念基金會 敬致