一粒鳥鼠屎,拍損 一鼎糜

August 14, 2018
kap 朋友分享

一粒鳥鼠屎,拍損 一鼎

–  賴柏年 –

古早作囡仔的時陣,稻田無噴農藥的問題定定會去田裏蹽水,抾(khioh, 拾)田螺。
i(中部

人稱呼老母)一粒一粒洗清氣,擱用鉸刀(ka-to,剪刀)尾溜剪掉。然後用大量的九層塔、蒜頭、豆瓣漿等炒出一大盤芳貢貢(phang-kòng-kòng)的古早味:九層塔炒

田螺。

食法:先鹹鹹、甘甘的原汁舔(chiⁿ)一下然後大力田螺肉吸出來。

佇多倫多中國超市的鮮魚部門,攏有一包一包浸佇活水的石螺。太太知影我愛食,罕罕(hán-hán,偶偶)會買一包轉來炒。因為無九層塔,無魚蝦嘛好。阮改用氣味相mints (薄荷)。炒出來的石螺,雖然炒法kap材料攏有照起工, 但是就是無九層塔的特殊氣味,食袂爽啦!

舊年轉去台灣,受邀參觀同學興璘兄kap 淑英姊座落佇苗栗縣南庄鄉的別莊農場。佇遐淑英姊送一寡九層塔的菜籽。

今年春天,太太全部的菜籽用大大細細的花盆發出來。幾禮拜了後,阮已經有一盆一盆發kah旺旺的九層塔。趕緊通知感謝淑英姊的恩賜, 阮已經有家己九層塔啦!。

以後,無論食啥,我攏會挽幾葉仔來配。我就是佮意彼款故鄉的氣味。

頂禮拜,去台灣人開的超市,看著石螺,我建議太太買一包轉來試作一道台灣九層塔炒石螺

買轉來阮驚無夠清氣,浸擱浸,洗擱洗,甚至用齒抿仔(khí-bín-á, 牙刷), 一粒一粒洗。因為無特別工具通尾溜剪掉。另外阮袂曉分別好的抑是死的,想講應該無問題,所以無半粒拍算 。

因為九層塔是家己生產的,我挽(bán, 撿)一大把交予太太。伊早就看過食譜,知影欲按怎炒,所以我就安心曲腳輾嘴鬚(khiau-kha lián chhùi-chhiu),準備享受九層塔炒田螺配冰涼的bì-lu̍h

原來阮太太是台中街路人, 毋捌(m̄-bat, 未曾)食過田螺,所以伊包煮,我包食伊甚至無愛試。

炒出來的一大盤燒燒的石螺,氣味有夠。準無10分親像古早味, 上無嘛有7分像(sêng)。有夠我食三頓。

我聊聊仔(liâu-liâu-á, 慢慢的)舐 (chīⁿ)一下, 然後用齒戳(khí-thok牙籤肉挖出來,配一葉九層塔。啊,確實袂䆀(bē-bái,不錯),雖然無故鄉阿母的味,但是馬馬虎虎啦!飲一嘴bì-luh

食咧,食咧,忽然間,吸臭味,非常恐怖。趕緊吐吐出來,洗嘴,漉喙(lo̍k-chhùi, 規晡久,照常感覺有臭味,原來食著死去的。毋甘擲掉,先冰起來。

過轉日,擱再試看覓心內猶是膽膽,希望無問題,毋敢食傷濟粒,擱冰起來。

第三次, 好死毋死,無兩下,擱食著歹去的。太太才開嘴講:毋通擱試啦!

就按呢規大盤的,會當食三頓的九層塔炒石螺,全部(tàn)入去糞埽桶。

所以講:一粒老鼠屎,拍損一鼎糜

kap 朋友分享

No Comments

Leave a Reply

Your email address will not be published. Required fields are marked *

Translate »
Web Design MymensinghPremium WordPress ThemesWeb Development

懷念秀蘭姊 (New York 衛鄉教會敬告)

April 19, 2016April 19, 2016

各位鄉親朋友:

我們所愛戴,思念的秀蘭姊,已於 Las Vegas 時間八點零五分,在她深愛的丈夫,子女及教會牧長會友,聖歌隊的歡送中離開,蒙天父恩召回天家。 耀勳兄說,那一刻,秀蘭恢復了她美麗的面孔,安然地睡了。

我們慶幸曾經分享過她燦爛的一生,她的熱情,幽默的談笑,愛故鄉台灣,堅強的信仰,令人感動的禱告詞,還有一手好菜滷肉,,,,這些都會留在我們的記憶中,永遠地懷念她。

讓我們繼續為耀勳兄及全家禱告,求主安慰保守,勇敢地面對再來的明天。

衛鄉教會敬告

公募聰美姐記念基金會「印信」、「表徽」(logo)啟事

March 11, 2016March 11, 2016

列位讀者:

二十幾年來咱遵守聰美姐遺留的精神,繼續進行台灣語言文字化以及啟蒙振興台灣精神的工作。現在咱著創造一個代表咱基金會精神的表徽:代表默默做工、恬恬獻身的聰美精神。

希望有心的兄姊大家向這方向做伙來思考,創造一個適當咱的內涵,做咱對外的印信或表徽。有結果的時,咱基金會會準備好的感謝。請提供恁的尊貴的意見用e-mail或批信,寄互任何一位基金會負責人。感謝。

聰美姐記念基金會 敬致