呼籲 – 設立「共同發行人」ê代誌

September 21, 2000
kap 朋友分享

呼籲  – 設立「共同發行人」ê代誌

敬告各位「台文通訊」讀者:

五十外冬ê國民黨統治hō͘咱看著台灣話kap台灣語文ê凋零kap消失,hō͘咱感覺台灣局勢親像入秋ê悲觀kap失望;咱親生ê子孫,一個一個越頭去講別人ê話,親像半路á認別人作父作母,叫人作阿公。

台灣語言若失去,台灣民族kap文化ê根就喪失,台灣人beh作一位真正ê台灣人就無可能啦!莫怪學者講:「Beh消滅一個民族,最好最有效ê方法,就是消滅伊ê語言。」中國人執政者過去tī咱ê美麗島從事ê恐怖政策,就是beh消滅咱ê語言文化,hō͘咱bē記得咱是台灣人、是講台語寫台文ê民族。

聰美姐紀念基金會是紀念一位真疼台灣ê女性,伊一世人kap伊ê翁婿恬恬疼台灣,為台灣ê文化kap政治ê獨立流目屎、犧牲、奉獻,到tī一生ê路尾。基金會設立以來ê運作,就是用聰美姐ê精神,默默去栽培、教育、復興台灣人ê國家kap文化意識。

七、八冬以來,阮用所有ê時間、精神kap財力來支持「台文通訊」ê發行。無論如何艱難,阮真少怨嘆,只有靜靜無出聲,拍拚去做。

現在咱遇著ê是聰美基金會經濟第一困難ê時,亦是咱台灣人語言文化第一大絕滅危機ê時。

阮taⁿ向你發出呼叫ê聲,拜託你來支援,作「台文通訊」ê「共同發行人」(Co-sponsor),hō͘「台文通訊」繼續koh活落去。阮需要有100位有志,每一位有志每年支援美金/加幣 200 kho͘(若是經濟上有問題,請家己準節。),來寄hō͘聰美姐紀念基金會,作發行「台文通訊」ê路用。

你ê良心ê支援是「台文通訊」存廢ê關鍵。
請「共同發行人基金」寄到:
Chhong-Bi Memorial Fund,

阮會寄收據hō͘你,作美國地區免稅ê證明。
若有啥物質詢,你mā會使寄批hō͘:
The Rev. Tan,
E-Mail::burtontan@cs.com
真多謝。

聰美姐紀念基金會  敬上
21/09/2000

kap 朋友分享

No Comments

Leave a Reply

Your email address will not be published. Required fields are marked *

Web Design MymensinghPremium WordPress ThemesWeb Development

懷念秀蘭姊 (New York 衛鄉教會敬告)

April 19, 2016April 19, 2016

各位鄉親朋友:

我們所愛戴,思念的秀蘭姊,已於 Las Vegas 時間八點零五分,在她深愛的丈夫,子女及教會牧長會友,聖歌隊的歡送中離開,蒙天父恩召回天家。 耀勳兄說,那一刻,秀蘭恢復了她美麗的面孔,安然地睡了。

我們慶幸曾經分享過她燦爛的一生,她的熱情,幽默的談笑,愛故鄉台灣,堅強的信仰,令人感動的禱告詞,還有一手好菜滷肉,,,,這些都會留在我們的記憶中,永遠地懷念她。

讓我們繼續為耀勳兄及全家禱告,求主安慰保守,勇敢地面對再來的明天。

衛鄉教會敬告

公募聰美姐記念基金會「印信」、「表徽」(logo)啟事

March 11, 2016March 11, 2016

列位讀者:

二十幾年來咱遵守聰美姐遺留的精神,繼續進行台灣語言文字化以及啟蒙振興台灣精神的工作。現在咱著創造一個代表咱基金會精神的表徽:代表默默做工、恬恬獻身的聰美精神。

希望有心的兄姊大家向這方向做伙來思考,創造一個適當咱的內涵,做咱對外的印信或表徽。有結果的時,咱基金會會準備好的感謝。請提供恁的尊貴的意見用e-mail或批信,寄互任何一位基金會負責人。感謝。

聰美姐記念基金會 敬致