踏話頭 黃真救

November 30, 2002
kap 朋友分享

踏話頭   黃真救

Kap陳柏壽牧師熟悉是tùi台文通訊 (TBTS) 第二十五期(Nov. 1993),聰美基金會承辦出版TBTS開始。Tùi TBTS kap電子批常在讀著伊寫ê文章。伊主張使用台語母語koh採用教羅抑是漢羅來書寫。對伊真chē篇ê文章會tàng知伊ê文章內容包含真闊,十花五色,表示伊ê博學多藝多才豐富ê哲學根基。接著陳牧師beh出版長榮大學升大學格第二本冊ê消息,我感覺非常ê歡喜,因為我是tī加藤長太郎kap趙天慈校長ê時代讀長榮。長榮自George Ede (1883)做校長開始就一直想beh建設一間tùi幼稚園到大學研究院ê綜合大學。現此時已經成功啦!Tùi這本冊我相信讀者會tàng詳細體驗著陳牧師ê博學,台灣意識kap無限ê哲理思想。

李勤岸教授bat tī電子批報告Hawaii ê街名,hia真有台灣氣味,親像講Ama, Ahui, Liholiho。伊隨時感覺真趣味,真欣羨愛去hia tòa。伊堅強ê意志kap無退縮ê願景,果然受聘請去Hawaii台灣基督長老教會做牧師。伊tī無閑ê中間寄批請安TBTS讀者Aloha! 伊亦介紹Hawaii真出名ê Shopping Center叫做Ala Moana (Ah na bo beh an noa !)。伊亦送Mele Kalikimaka! (聖誕恭喜)祝眾讀者。伊給一寡少年家介紹『來去Hawaii結婚!』。伊無時停愛探險ê精神,愛廣闊世界觀kap遵守耶穌ê教訓:恁著去招萬百姓來做學生,給in行洗禮,hō͘ in歸tī父,子,聖神ê名。我日日kap恁tī leh,直到世間ê路尾(馬太28﹕19-20)。伊就負包袱去Austria(奧國m̄是Àu國)飼伊ê羊á(約翰21﹕17),帶一群流浪tī  Vienna ê信徒敬拜上帝又koh點著使用台語文ê香燭。

Tī靜靜ê回想–懷念王育德博士,伊稱讚王育德先生看教會羅馬字台語ê前途比伊用全人生研究出來ê系統khah重要,為著大局伊放sak伊苦心設計ê台語文字系統。這款無自私ê表現是台灣人最高貴ê精神。伊亦tī王康陸先生ê追悼會致辭講:王先生是一位真正愛台灣ê人,伊有清潔ê良心。伊發見王先生親像上耶路撒冷耶穌ê精神,“死mābeh死tī hia”。伊亦tī蔡正隆先生ê追悼會思念蔡主席為著台獨聯盟ê工課,推廣母語ê工作 “M̄願做母語ê文盲” 犧牲伊ê生涯。我想以後beh hō͘陳牧師做追悼會ê人一定是“台灣意識台灣意志真明,台灣精神帶甲種ê人” 。

陳牧師放sak世上ê尊貴,船公司企業ê總經理,虛心袒懷順服耶穌基督ê召命來美國協和神學院讀冊。造就一個信仰堅固,有改革ê精神,亦為著前三位先烈做和尚(牧師)。追悼會ê時伊稱讚先賢堅固ê台灣意識,為台灣ê民主,自由,人權kap和平ê奉獻,同時鼓勵年輕朋友效法先烈ê典範,追從in ê腳跡,自立自強向前征戰好ê征戰。陳牧師亦深深感謝為台灣ê民主,自由kap發展來犧牲ê八田與一kap伊藤聰美夫婦ê大愛。

對台語文字,文化kap心靈ê向上,陳牧師費上chē時間精神kap金錢。伊講台語文就是台灣精神,請TBTS讀者做陣來推廣台語kap台文通訊。支持小眾傳報開創ê台灣新文化。伊喝:台灣草根運動萬歲!展望台語文應該ài行ê方向,紀念228先烈ê精神來挽回台灣文化,重建台灣人ê心靈文化運動,促成正軌ê台灣語文教育,台灣須要ê教育改革,無母奶文化ê台灣心靈,呼籲重新認識台灣草根文化kap母語建國,chia ê充分表明陳牧師誠實疼惜這塊美麗島。

為著beh保持這份鄭良光創刊ê TBTS,伊擔任聰美基金會ê總幹事,繼續經營這本寫出台灣人心思ê雜誌。伊m̄甘TBTS刊物折斬(chih-chām),伊建議招集一群成百人,用促進台灣母語做主題,每人每年奉獻$200 kho͘做共同發行人,繼續資助出版這份伊上疼惜用發展母語建國ê雜誌。這本冊kap以外伊用台語漢羅書寫專業ê冊會tàng證明陳牧師疼惜這個美麗島,將伊ê經驗,才能,見習kap智慧,帶轉去故鄉台灣,貢獻hō͘新koh獨立ê台灣國,造福地球村ê人群。

主後二零零二年十一月三十日

kap 朋友分享

No Comments

Leave a Reply

Your email address will not be published. Required fields are marked *

Web Design MymensinghPremium WordPress ThemesWeb Development

懷念秀蘭姊 (New York 衛鄉教會敬告)

April 19, 2016April 19, 2016

各位鄉親朋友:

我們所愛戴,思念的秀蘭姊,已於 Las Vegas 時間八點零五分,在她深愛的丈夫,子女及教會牧長會友,聖歌隊的歡送中離開,蒙天父恩召回天家。 耀勳兄說,那一刻,秀蘭恢復了她美麗的面孔,安然地睡了。

我們慶幸曾經分享過她燦爛的一生,她的熱情,幽默的談笑,愛故鄉台灣,堅強的信仰,令人感動的禱告詞,還有一手好菜滷肉,,,,這些都會留在我們的記憶中,永遠地懷念她。

讓我們繼續為耀勳兄及全家禱告,求主安慰保守,勇敢地面對再來的明天。

衛鄉教會敬告

公募聰美姐記念基金會「印信」、「表徽」(logo)啟事

March 11, 2016March 11, 2016

列位讀者:

二十幾年來咱遵守聰美姐遺留的精神,繼續進行台灣語言文字化以及啟蒙振興台灣精神的工作。現在咱著創造一個代表咱基金會精神的表徽:代表默默做工、恬恬獻身的聰美精神。

希望有心的兄姊大家向這方向做伙來思考,創造一個適當咱的內涵,做咱對外的印信或表徽。有結果的時,咱基金會會準備好的感謝。請提供恁的尊貴的意見用e-mail或批信,寄互任何一位基金會負責人。感謝。

聰美姐記念基金會 敬致