耶穌基督福音及現實世界

September 12, 2016
kap 朋友分享

「耶穌基督福音及現實世界」
陳柏壽

聖經無提起現實世界的一寡問題
譬如講:落胎。資本主義、共產主義、社會主義。精神分裂、憂鬱症、虛幻症。
種族差別。對過去不平政策的補償,譬喻1972年以前台灣高考差別,只有差不多3.5%台灣人錄取(歧視台人)。人權、民族主義、語言絕滅。性別差異、黃色電影。氣候變遷、物種絕滅、能源問題、污染問題、基因改造。太空旅行、核子武器、生物戰。正義戰理論、先發制裁戰爭(前次Iraq 戰爭)等等…

聖經及福音直接對立的所在
譬如講:奴隸制度以及原住民問題(出21:2-6;申15:16-17;創9:26-27;利25:44-46;弗6:5-8;提多2:9-10;歌羅西3:22 ;彼前2:18)

教會制度內的女性問題(歌前14:34,35;提摩太前2:11,12);種族隔離;白人優越主義;自由主義;保守主義

款待敵人問題:(詩137:7-9;139-19, 申7:1-6;王上8:44-45)vs(馬5:38-44;羅12:17-21;彼前3:13-17 )

多妻制度問題:(創4:19;出21:10;申25:5-10;提多1:6;歌前7:1,29)

權威及橫霸的語言:(提前2:8-15;弗5:21-33;哥前11:2-16;14:33b-36;提前5:3-16;羅16:1-16)

上帝觀的進化及改變
咱著對歷史發展的軌跡來瞭解聖經的啟示,來瞭解上帝。上帝的概念毋是一成不變,國民學校二年的數學只學5-3=2,但是到六年生著學習3-5=-2。咱對上帝的觀念毋通永遠停留佇二年生的程度,咱的上帝愛咱進入代數、幾何、微積分的境界。咱的上帝不斷teh改變、進步,每日予咱新的啟示。

咱的上帝觀,對摩西的「主」( “The Lord”)開始,有亞伯拉罕等的「全能的上帝」(“Almighty” “Yahweh” “Edonai” “El Shaddai” “Elohim” “El Elyon” “Shalom” 等,何西阿稱號叫「丈夫」,保羅叫伊「先生、老師」(加3:23-26)等等。

我上意愛的上帝的名就是約翰稱號伊做咱的「朋友」(約15:12-17)。咱信上帝毋是因為血統、族群,是因為咱對各種不同背景及出身來聚集做伙,因為咱屬共款心靈、意識、信仰,建立咱互相關係以及咱及上帝的關係。這款關係比兄弟親情血統的結連閣較堅固、閣較有力,因為這是靈魂的結連。同時上帝認定咱做一個人的最高的價值,所以伊「道成肉身」,來咱的世間,做咱「朋友」。

咱的上帝chhoā咱對猶太人的族裔族群的上帝,進入耶穌的普世的上帝;對獨裁獨尊的上帝,進入耶穌慈愛及犧牲的上帝。咱的上帝不斷蛻化、不斷自我顯現。主耶穌的面形毋是固定的模式。主耶穌毋是親像上帝,應該是講上帝是親像主耶穌。咱欲按怎揣著咱的上帝?咱的上帝主耶穌是三位一体,對創世開始「道及上帝相及佇teh」「創造者及受造者合一」的上帝;咱的上帝是出埃及記的「解放的上帝」;是以賽亞的新的和平的上帝國的上帝。約翰的耶穌是行水面的上帝(及那亞時代用水絕滅世界的上帝不同)(以色列人過紅海;摩西老母囥紅嬰仔佇滿是鱷魚的尼羅河頂用蘆葦編的小船浮佇水面的上帝攏表示大水的可怕的世界);伊是用水行洗禮的上帝,叫尼哥底母用水重頭生的上帝;伊是向井邊婦人人討水的上帝,永遠湧出「活水」,永遠袂嘴乾的水的上帝。

海洋的台灣人的上帝
台灣是海島國家,咱台灣人是海洋民族。海洋文化的特色在目睭看著曠闊的水面,有接納、吞忍、包涵的心肝。主耶穌一生嘛是佇加利利海邊討趁過日,一生只有最後的日子,才予人掠去耶路撒冷石頭lok-khok的所在,予人釘死十字架。主耶穌所傳的福音應該是海洋性的福音,是包容,毋是教條的福音。咱台灣人的祈禱應該是:「我欲抬頭向曠闊的大海,我的幫助對tah-lo̍h來?我的幫助是對創造天、地及大海的上帝hia來!」海洋民族台灣人的上帝,不斷有新的創造、新的解放、新的世界和平的上帝;咱的上帝是對安提仔、耶路撒冷、到台灣、一直到世界的極頭的普世的上帝

千年後的上帝甚麼面形:無戰爭、無食肉、無用石油(?)

kap 朋友分享

No Comments

Leave a Reply

Your email address will not be published. Required fields are marked *

Web Design MymensinghPremium WordPress ThemesWeb Development

懷念秀蘭姊 (New York 衛鄉教會敬告)

April 19, 2016April 19, 2016

各位鄉親朋友:

我們所愛戴,思念的秀蘭姊,已於 Las Vegas 時間八點零五分,在她深愛的丈夫,子女及教會牧長會友,聖歌隊的歡送中離開,蒙天父恩召回天家。 耀勳兄說,那一刻,秀蘭恢復了她美麗的面孔,安然地睡了。

我們慶幸曾經分享過她燦爛的一生,她的熱情,幽默的談笑,愛故鄉台灣,堅強的信仰,令人感動的禱告詞,還有一手好菜滷肉,,,,這些都會留在我們的記憶中,永遠地懷念她。

讓我們繼續為耀勳兄及全家禱告,求主安慰保守,勇敢地面對再來的明天。

衛鄉教會敬告

公募聰美姐記念基金會「印信」、「表徽」(logo)啟事

March 11, 2016March 11, 2016

列位讀者:

二十幾年來咱遵守聰美姐遺留的精神,繼續進行台灣語言文字化以及啟蒙振興台灣精神的工作。現在咱著創造一個代表咱基金會精神的表徽:代表默默做工、恬恬獻身的聰美精神。

希望有心的兄姊大家向這方向做伙來思考,創造一個適當咱的內涵,做咱對外的印信或表徽。有結果的時,咱基金會會準備好的感謝。請提供恁的尊貴的意見用e-mail或批信,寄互任何一位基金會負責人。感謝。

聰美姐記念基金會 敬致