咱的選擇 (2012年 西雅圖台灣人教會退休會 主題及討論)

September 11, 2012
kap 朋友分享

咱的選擇 (2012年 西雅圖台灣人教會退休會 主題及討論)

9/3/12   at Oceanshore Washington

主題及討論:「咱的選擇

陳柏壽 牧師

(1)動物性及人間性

馬英久競選,查某人爭去摸伊的手,ki-ki-kio!肚腹iau嘴開開開,飯一直pe落去,嘴笑目笑。

笑的時,肚臍chùn一下chùn一下。這叫做純動物性。「食互肥肥,頭殼槌槌」。

「你今年『食』幾歲?」「你『食』甚物頭路?」「chia-ê人閣『食』bô-goā-kú啦!」「你『食』飽未?」台灣文化內面帶有真濟動物性。

人有動物性及上帝性(人間性)二面。少年時動物性卡強,年老的時會漸漸提昇人間性。

家庭內暴力,包括性行為,是動物性。

食肉是動物性自然表現的一部分。但以理是食菜主義。佛家的食菜,伊的精神意義。

性行為親像野火,愈燒愈猛,性行為的攻擊性、同姓戀的攻擊性,是動物性的一種(雖然同姓戀者認為因的和諧性比異姓人較好)。支持同姓戀無解決問題。

Freud及Jung完全無仝款的心理學的出發點:性及動物性vs.愛及人間性。

啟示錄的超自然世界,佇天堂無性別分野。

現世的肉體是精神依附的媒體,但是往往因為依附肉體,做伊逃閃上帝的藉口。上帝並無活佇肉體內面。顧「身軀」變做顧上帝。

人類的動物性及野蠻性如何控制到最低?如何提昇人間性到最高?如何克制自然性、提昇反自然性?我想著下面chia-ê人:

Albert Schweitzer

Douglas Sloan

Christopher Moor

Buddha佛

基督教的採取中間點,不經由修道院及修女院的過程,強調「家庭」及「倫理」以及「節制」。

保羅:逐項攏通食,食的無嫌無食的,無食的也無誇口伊的無食。

甚物程度才合標準?

Bio- Darwinism vs. Social Darwinism:原來Darwinism不但無否定上帝的存在,顛倒刺激咱的思考模式,互人知影不但生物体不斷演進,人的思想上也仝款不斷演進,無法度停步。物種的進化、思想的進化、文明的進展、人的上帝觀及對聖經解釋的改變,攏佇上帝的攝理的內面,攏受上帝管理。上帝設立的世界本來就是物種及精神合一的世界,攏佇人的肉體身體及靈魂的本身內面,不斷演進,人無法度阻擋伊,人無法度盤過上帝,人的生命無可能停步,人生只有向前,袂使停步。咱若是無欲進步,就是退步,咱佇這世間就toè別人袂著,只有互上帝囥佇邊仔。

經濟行為的二種辯證:1. 動物性的經濟行為;2. 理想性的經濟行為(創新拍拚、無中生有的機智)

「抗爭行為」的人間性:永遠保持批判的人生。抗爭及反抗行為的福音性。

動物性的人建立佇看會著的肉體頂面,毋是永遠,chit-bāng-nih-kú就變老人,親像建築物變廢麈。肉體是內層建築,精神是上層建築。人的組合除了肉體以外,頂面有魂(soul)及靈(spirit)。

人khiā佇鏡頭前,看著的只有是家己肉體的形像。但是這及你的魂的形像完全無關係。馬英久的外面肉體形像可能真緣投,但是伊內面的魂的像,可能真污穢歹看。

魂及肉體是完全無共款的境界。咱死了後轉去上帝hia,每一個魂,無論老人囡仔,無論查埔查某,攏仝款媠,人人攏平等。魂毋是toè著肉體存在,肉體是toè魂來存在。咱活佇世間的存在,咱平常的自覺,時常是看肉體來決定人的價值,但是肉體不過是物質,不過是魂依附的工具,上帝無看咱的肉體,上帝只有看咱內面的魂。人的魂需要咱去叫醒、去引導、去教育、去訓練、去開發。來教會就是欲叫醒咱的靈魂的過程,叫醒咱內面的自我意識。台灣人時時著叫醒咱是台灣人。

人的精神(魂)包括思想、感情、意志。思想的大腦主宰一切,感情時時贏過大腦,意志常常翻轉盤過頭前二項。

人的感官的頂面猶有一個「超」感官的体,及上帝結連做伙。這个超感官体“看”會著彼个看袂著的世界。這个「超感官的体」,支持所有人活、人存在的一切。

人的生命体,除了看袂著的生命力–心跳、內分泌、神經、血流 等等–也包括人的魂及靈。這嘛會使叫做「魂的生命体」。

死是人看會著的肉體消失以外,人所有看袂著的部份,猶繼續存在,繼續進行。

人經過感官(人的腦細胞)產生思想,經過思想產生超越感官的存在。思想變做看會著看袂著的世界的能力,叫做「靈的目睭」。靈的目睭是及上帝結連做伙。

按呢就是人對「生物」的人(anthropology)變做「人智」的人(anthroposophy)的過程。

人的歷史、法律、藝術、文化、語言攏是看袂著的「魂」的產物。台灣人所以叫做台灣人,因為伊是「台灣『魂』」的產物。

信仰也是人類魂的產物。教會、社會、政府、政治攏是人的「魂」(思想、感情、意志)的一部分,是人不可分割的一部分。

世界的運作除了靠上帝宇宙中運作的意志以外,每人內心的意志也是達成咱做人真重要的一部分。咱的意志就是欲chhoē-tio̍h真正的 “我”、真正的真高的自我意識。這及咱日常生活中欲食甚物、穿甚物、車欲駛甚物方向等等的平常的意志無仝,是欲追求khah高人生的目標及人生的意義的意志,無受周圍環境的控制,無受物質條件主宰,一益發進前的意志。轉去上帝hia以後,保持“我”家己佇上帝面前的意志。這種意志是會互你的靈魂發光的意志。

 

(2) 自然及反自然

德國Kohn法庭的判決:強迫小兒割禮是犯罪行為。再次引起全世界注目。

法庭的理由是,非小兒自願的割禮無合自然法則,同時對保健也無好。

因為爸母的信仰,強迫小兒割禮,這个問題是保羅時代到今仔日存在的問題(保羅反對、彼得雅各支持)。猶太人、回教徒的社會/宗教的契約行為。

猶太教反自然信仰:割禮、過紅海、攻耶利哥城。

基督教的天頂飛鳥及山裡百合、洗禮、聖餐vs無花果lian去、水變酒、西羅亞池洗目睭。卡合自然。

天主教反墮胎、容允神父手淫是生物性的解脫方法,保存人間性及理性。

最近的墮胎及反墮胎法影響美國人的法律、政治真深,仝款牽連著自然法及反自然的行為。這點基督教倫理問題變做強烈的社會對立及辯論,對無深入思考的中國人及因的政治家來講,完全是不可思意,不准討論的問題。真濟美國人拾外族的紅嬰,甚至piàn-sūi的囡仔轉來因厝,做因家庭的一份子。

人間的宿命及不能解決的問題就是在佇一方面需要完全佇自然律中生存,受物質主義的完全主宰及控制,無法度突破;另一方面,人無法度無去抵抗超物質的力量,形而上的力量。人無法度完全閃避非物質及非自然的彼邊的挑戰。

“我”內面有自然構成的因素,人需要肉體的要求,需要快樂、幸福、美麗的生存環境。但是人一旦達到安心的生物性的要求,就開始發展伊的靈魂部份的要求,開始運用上帝互伊思想及智慧的本領。7歲、14歲、21歲、28歲、35歲、42歲、47歲….70歲…每層次的靈魂及靈性的要求不同。單純的肉體生存袂當滿足做人的需要。

人是一個小的「我」(i),生長到一個程度就欲追求彼个卡高卡大的「上帝」,上帝是一個大(I)。小i及大I其實是牽連做伙的一体,佇精神及靈魂頂面相通。最近世界teh流行iPad 、iPhone、 iBank、 iCar….毋是Apple的發明,是神學的名詞。

超越自然生存的境界,就進入倫理、道德、信仰、美、藝術、宗教的境界,超越個人進入整體社會的幸福的問題。這个「超越」真大部分是教育及信仰的問題,是經由教育及信仰產生的境界,是非自然產生的體驗,毋是生來就有。

欲開發這方面的體驗,毋是遐爾困難的問題,因為佇人的本質及靈魂內面,本來就有隱藏chiah-ê因素。教育的功能就是將隱藏的因素,對人內面開發出來。所以教育是「開發」,毋是親像我teh「接枝」。最近我將李仔的母樹,接真濟無共款的李仔,今年彼叢李仔生4種無仝色的李仔,但是這種接枝是對外口入去的,毋是對內底出來的。動物內面無chia-ê人間靈魂特有的因素。動物只有生存的本領。

開發以後的形而上的部份,因人而異,有人進入真深、真高的境界,真敏感、真有感情、有同情心、真自我犧牲;但是有人程度卡低,卡粗魯。

欲達到真深的境界,自然律無法度做依循的標準。四季輪迴再生,互咱佇精神散懶的時,出去外面,涼風佇樹仔頂唱歌,看著花草長大,是心靈上真大的安慰。但是自然法毋是「天行健,君子以自強不息」。自然法毋是人類倫理行為的標準。超自然的倫理觀及世界觀是人間及上帝的創造。

會當達到最高的形而上境界的人,就是變做最高的人,精神的人,真正的人。最高的人,及生物學家所研究的生物界的存在,是完全不同的存在,是超越肉體及生物性的存在,是五官及感官無法度了解的部份。

這个精神的人毋是干單會曉用頭腦去思考,更加是會曉用心肝及感情,配合伊堅強不變的意志,所造成的一個完全的人。欲做一個完全的台灣人毋是干單會曉用頭殼想台灣意識、會曉講台灣意識、會曉趁錢nā-tiāⁿ;著愛有思想,配合溫暖的心肝,會曉同情,疼惜厝邊,對別人充滿愛情及熱心,有整體的世界觀的人,才是最高的台灣人。

 

(3) 選民主義及普世信仰

馬太15:5-13,21-28 敘利亞菲尼基族婦人人。餅碎。狗=外邦人=污穢(彼得後書2:22)、惡先知(腓立比3:2,啟示錄22:15)。羅馬書11:17-18野橄欖。

用這个角度看耶穌基督的福音,互真濟人認為是絆腳石。

婦人人欲爭取發言權。不放伊去。爭取發言權是做牧師人一世人的宿命。世間爭著tio̍h發言權的人、會當khiā台頂的人,及耶穌的不講話、少講話的對比及辯證。講壇、報紙、電視,有microphone、有聽眾權的牧師,因的責任佇佗位?

選民主義及普世主義,傳福音本身著克服的絆腳石。

Special Report: “Judaism and The Jews”

(The Economist July 28th, 2012)

目前世界的猶太錫安主義(Zionism)不斷擴大因的勢力,歷史以來猶太人毋捌有過目前的興旺。但是正統的猶太教的信徒(Orthodox Jews)對以色列不斷擴張土地,採取不信的態度。不斷的侵佔別人的土地,也是一種國家的動物性。

「佔領」不能建立統治的合法性。Palestine的基本問題。「台灣地位未定」就是因為蔣介石受聯軍委託的佔領並無世界公認的合法性。台灣人欲按怎chhoē-tio̍h家己的合法性,起死回生,建立台灣國。

真濟猶太人反對以色列的泛猶太主義、泛猶太世界主義,以及反對因堅強的選民主義,反對因利用因受害者的歷史基礎,做擴張勢力的根據。因認為按呢袂當造成永遠正義的國家。

受現代教育有自由思想的猶太人,對選民主義的定義,有無共款的看法。

耶穌本身也死佇選民主義手下。

福音傳開:耶穌~學生~保羅~宣教師 ~學者~無教會思想~心靈修養。

福音的「普世化」及「人性化」。

用教會法/宗教法來控制、管理信仰,是宗教人生存唯一的手段。但是上帝的教會存在佇看袂著的所在(invisible church),比看會著的教會,力量閣較大。看袂著的教會是創造世界及歷史的動源及力量,就是耶穌所講:「出在死人去埋因的死人,活人只有向前行」的意思。

今日教會最大的盲點,就是因認為干單因是toà挪亞的大船,干單因浮佇水面,認為因就是一切的真理。其實教會欲生存、欲長大,只有一條路:沉落去水底,及世間所有的人做伙泅,做伙掙扎,做伙求生,做伙chhoē上帝,做伙求赦免,做伙求拯救。

結論:馬可7:15「對外面入去的,袂予人拉穇;對內底出來的,才會予人拉穇。」你內面自我認為你是猶太人、選民、台灣人、義人、美人….,chia-ê內底的物,攏無路用:只有外口入來內心的上帝的話,才是清氣, 才有路用。

 

(4)結論:用人的智慧追求上帝的攝理

行事在人,成事在天

人teh做,天teh看

堅強的信仰是非到最後關頭,不輕言上帝:發揮你全部的智慧及氣力,最後才講上帝。

信仰是你徛頭前,上帝徛後面。

信仰就是只有一人關佇房間內chhoē-tio̍h真正的自由,心靈的自由。

新約中「信心」及上帝的「成全」,毋是對立,是合一。

耶穌對生命的寬待、對自然的啟發、對人生的鼓勵。

保羅對智慧的要求。彼得及雅各對工作及實際的信心的實踐。人做中心的信仰。牧師袂使自誇,講因講的話才是上帝的話。

舊約聖經中人物有獨立思考、獨立行動、甚至反叛的實例,就是猶太人的先知及領袖的行為模式:

亞伯拉罕 (不信生囝、隱藏因某身份、撒拉趕以實瑪利)

以撒(僕人回本地娶利百加回來做某)

雅各(騙以掃大囝名分、娶利亞及拉結、騙親家致富、及天使相ián、用割禮刣敵人)

約瑟(砂漠中受出賣、設計留便雅憫認兄弟)

摩西(違反法老命令救摩西出世、沙漠thâi-sí埃及人、自高擊石盤出水)

亞倫(做金牛互百姓敬拜)

基甸(300人的精神訓練)

大衛(及烏利亞、及歌利亞)

以利亞(面對巴力先知的沈靜及尊嚴,何烈山的困境)

但以理(勇敢來波斯王前解說智慧的話為王解夢)

抹底改 (隱藏以斯帖族藉)

因面對官府權威,用智慧克服法律束縛,轉化危機變做轉機。希伯來的產婆,反抗法老命令,無thâi-sí紅嬰仔;摩西老母及姊妹藏摩西,攏是違法的代誌。以上所有人物攏是出自自我意志的獨立行為。上帝雖然有達成伊的目的,但是chia-ê人並無直接受著上帝命令所做的行為。

亞伯拉罕為著所多瑪的命運,反抗上帝的命令。摩西幾次拒絕上帝的邀請來chhoā以色列人出埃及,時時要求上帝不可剿滅以色列人。大衛王對上帝出手thâi-sí伊的部下的反抗。先知以賽亞、耶利米、以西結、哈巴谷、約拿及約伯攏時時teh反抗世間的勢力,講出無人敢講的話。聖經中無一句話講因的毋著。

Chia-ê先知不但及上帝爭辯,甚至時時違抗上帝。最明顯的一句話就是:「今後你無欲閣叫做雅各,欲叫做以色列。因為你及上帝及人sio-ián(角力),攏得著勝利。」(創32:28)上帝尊敬有自己意志、有獨立思考、有自由思想、有勇敢精神的人。上帝叫這種人以色列。以色列意思就是「及上帝相爭」的意思。「相爭」中代表上帝的慈愛、寬容及對人的尊重。

舊約及新約聖經中一向為人爭取自由精神。自由精神是一切生命(包括中國人在內)的動力。生命本來真無自由,是真脆弱的存在,但是一切生命的基礎及目標就是追求肉體及靈魂的自由。講基督教聖經是teh壓制人間的自由精神及自由思想,是完全曲解基督教的精神,是對基督教的無知。咱愈來教會,愈聽道理,愈有宗教心的人,愈會曉包容,愈有心靈的自由。

kap 朋友分享

No Comments

Leave a Reply

Your email address will not be published. Required fields are marked *

Web Design MymensinghPremium WordPress ThemesWeb Development

懷念秀蘭姊 (New York 衛鄉教會敬告)

April 19, 2016April 19, 2016

各位鄉親朋友:

我們所愛戴,思念的秀蘭姊,已於 Las Vegas 時間八點零五分,在她深愛的丈夫,子女及教會牧長會友,聖歌隊的歡送中離開,蒙天父恩召回天家。 耀勳兄說,那一刻,秀蘭恢復了她美麗的面孔,安然地睡了。

我們慶幸曾經分享過她燦爛的一生,她的熱情,幽默的談笑,愛故鄉台灣,堅強的信仰,令人感動的禱告詞,還有一手好菜滷肉,,,,這些都會留在我們的記憶中,永遠地懷念她。

讓我們繼續為耀勳兄及全家禱告,求主安慰保守,勇敢地面對再來的明天。

衛鄉教會敬告

公募聰美姐記念基金會「印信」、「表徽」(logo)啟事

March 11, 2016March 11, 2016

列位讀者:

二十幾年來咱遵守聰美姐遺留的精神,繼續進行台灣語言文字化以及啟蒙振興台灣精神的工作。現在咱著創造一個代表咱基金會精神的表徽:代表默默做工、恬恬獻身的聰美精神。

希望有心的兄姊大家向這方向做伙來思考,創造一個適當咱的內涵,做咱對外的印信或表徽。有結果的時,咱基金會會準備好的感謝。請提供恁的尊貴的意見用e-mail或批信,寄互任何一位基金會負責人。感謝。

聰美姐記念基金會 敬致