第三次產業革命

 陳柏壽 節譯

The Economist Special Report Apr 21-27, 2012

數位化以後，一切攏改變啦。

生產過程又閣回轉轉來技術做中心的富足國家。靠勞工生存的國家漸漸失勢。

生產方法轉移以機器人做中心。初步原料對遮灌入去 robots，經過你家己的設計方式，產品就對彼爿 出來，叫 3D 生產。設計模式好以後，生產一台工具，同時可以生產 1,000 台、10,000 台。每台生產 成本攏仝款。cars、iphones、shoes…機器人已經進化到會當「看」、會當「感覺」的境界，親像人 teh 生產仝款，實在有夠厲害。

日產汽車佇英國 Sunderland 的工場 1986 年生產 271,157 台的車，使用的工人 4,594 人；1999 年仝 工場生產 480,485 台汽車， 使用工人是 5,462 人。

因為使用勞工減少，生產設計變化真緊，所以生產地可以轉轉來本來基地國。

Carbon fiber 漸漸代替鋼鐵及 aluminum。鐵馬、飛機、船…攏輕又碇。

數位化就是第三次產業革命。

第一次產業革命在 18 世紀末期英國的紡織業使用機器的紡織機以及燒媒炭的火車母開始。人離開手工 藝的生產方式，轉用機器。第二次產業革命發生佇 20 世紀初期的美國，使用生產線（assembly line)， 大量生產的技術。

數位化的結果就是規格小型化、設計多種化、工人少數化。大量生產已經無時行，生產是個人化，來迎 合個人多樣的趣味。因為按呢工場又閣搬轉來原來的基地國。

辦公室機器設備、資訊產業、photography（照相業）、音樂、出版、電影…遮的新改革大部份攏對中 小企業及個人企業發展出來的，無一定是大企業的傑作。出版一本小說幾日間就印出現佇市場。這種生 產方式叫做「社會生產方式」，毋是「製造業的生產方式」。

~生產及工作的關係~

過去 100 年美國是物質生產的領袖，但是生產業最近 giōng-giōng 欲去互中國 jiok 著。2010 年美國 製造業工人減 1/3，因為攏 outsourcing 去工資俗的所在去生產。最近西方國家開始發現需要將生產業 2 搬轉來，來減少失業人口，同時回復生產的基本技術。經由頂面講的新的生產方式，就有可能在國內創 造新的工作。

最近嘛有人研究後發現著「物質製造業」毋是 hiah-nī 不得了的代誌，服務業嘛是平平重要的企業，服 務業的生產性及創新性，嘛袂輸物質生產業。物質製造業只有佔美國國家總生產額（GDP）的 11%。 但是物質生產業用全國所有技術研發的 68%的錢。技術研發對美國是最重要的部門。

雖然美國製造業的產值，欲及中國比較差無偌濟，但是伊製造業的人口，不過是中國的 1/10。

數位化以後公司及學校教學合一，公司提供 3D 機器 (digital prototype)，教室內面的情形及工場的實 際真仝款，學習效果真緊 koh 真切實，不但生產的工人，其他有關的人對產品內部的結構，嘛真清楚。 產品的出售，服務業的功用佔真大部分。

公司、實驗所、學校、工場、市場、住宅、銀行、病院往往結連佇一所在（biotechnology cluster）， 親像加州的 Silicon Valley，就真緊會發明真新的產品。

超微細工業（nanotechnology）有人叫做「奈米」技術。奈米意思是一公尺的十億分之一的意思，就 是非常精密的產業，「奈米」產業，就是將來產品的潛能。將來製藥的技術，完全著倚靠奈米產業的發 展，靠化學及精機的合一，真緊會當產生新藥。製藥過程毋免各地分散。各地製藥工場可以靈活應付各 地方緊急的需要。

~成本分析~

30 年前深圳是一個落後的小莊，1980 年中國設立做特別經濟地區以來，現在已經有 1 千 2 百萬人口， 其中 6 百萬人是外來勞工，大部份帶佇工場宿舍。干單鴻海電子有請 230,000 勞工。Apple 的 iPhones、iPads 攏佇遮組件。 所有香港的成衣、玩具攏已經搬來遮生產。勞工不斷要求增加工資，最 近已經增加 20%。

有部份多需要人工的產業已經向中國內陸遷徙，內陸工資比沿海加真俗。真濟成衣、鞋工場已經搬去越 南、Cambodia、印尼。Nike 鞋球鞋已經佇越南做伊世界最大的生產地。下次遷徙的所在可能就是緬 甸。但是人工減少、採用機器的新的生產方法亦會改變生產方向。

chím-má 眼前的趨勢是「低工資」已經毋是生產者最大的關心，因為生產成本中「勞工」成本所佔的 比例，已經漸漸減少。加州大學 Irvine 將一枝 iPad 的成本拆開：一枝 16-gigabite $499 的 iPad 包含 $154 的零件成本，遮的零件攏佇美國、日本及歐洲生產的。Apple 共有 150 家世界各地的零件供應商。 中國佇深圳的勞工成本佔 iPad $499 中的$8（1.8%）。所以中國人的工資對 Apple 的成本比例非常有 限。中國人對 Apple 賺的錢其實無大。

中國佇 Apple 的生產過程的地位既然無真大，Apple 將生產地盤遷移轉來美國的可能性嘛是真大。深 圳就是工業生產的群落（cluster）的最好的型態。Apple 嘛有可能轉來美國建立伊的地盤，因為工資 成本已經比率減真小。

佇中國約有 100 個地方有這種生產群落，生產各種次級品，包括袂仔（socks）、塑膠、日常用品等等， 這是因的優勢。但是因為中國工資增高，加上美國技術的改進，使用機器人，就有可能克服工資的問題。 中國嘛是向機器人生產的方向努力，欲及美國競爭。

Maryland 州的 Chesapeake Bay 製造蠟燭的 Chesapeake Bay Candle 公司已經製造自動化，將工場 對中國搬轉來美國。因佇中國的工場雖然猶存在，但是主要是供給中國國內市場。這叫做「支那加一」 （China plus one）的戰略。這个戰略就是佇中國生產次級品，供中國國內市場，將重要的生產轉移回 美國。美國人知影將所有的雞卵攏 khng 仝一個籠仔，毋是好的辦法。

Peerless-AV, Illinois，將工場移回美國的理由是因為中國無尊重別人的智慧財產權。因發明的電視架 仔，佇中國開始生產以後，全世界攏 teh 賣因的電視架仔，但是攏毋是因的工場出產的。因將工場搬 轉來美國以後，所有拉穇（la-sâm）、粗重、高溫的工作，攏交互機器人做。生產品質真標準，規格 變換真簡單。頭家講公司經營真 liú-lia̍h， 伊的生活加真輕鬆。

10 年前，幾呼所有太陽發電的電板攏是美國、日本、歐洲的生產。因為中國政府金融支援，chím-má 世界 1/2 的電板是中國生產的。這種電板的成分是對 crystalline silicon 造成 photovoltaic cells。 2011 年初 1watt 的成本是 $1.80，到年底市價已經是 $0.90。加州的公司採用別種原料造成的電板， 會當吸收各種角度的太陽光。差不多佇十年以內，美國生產的電板成本，會降低到 $0.50 per watt。成 本維持佇 $0.40-$0.75 的程度，就有法度及火力發電競爭。美國的太陽光發電的技術有法度超過中國。 GE 佇 Denver Colorado 只有 350 個工人生產的薄板太陽發電板，每年可以供給 80,000 家庭用電的發 電材料。

~材質~

Rolls-Royce 製造的飛機 engine 的 blade 的高品質，需要每分鐘佇高壓高溫（1,600C）下 pháng 12,000 次。這間英國 Derby 的公司每年生產幾十萬這種 blade。但是這種技術袂使親裁移轉去別—的 國家。關鍵在佇材質科學及生產技術。所有員工及技術人員攏集中佇仝一間生產工場。GE 嘛是仝款， 材質研發及生產集中仝所在。

美國目前研發一種高質電池，能力可以做火車母、推高機、強力的電腦母機、偏僻地區的資訊站。一種 新電池佔小空間、輕重量。連續使用 20 年毋免整修。超低溫及超高溫的環境可以順利運作。

Carbon fiber 可以製造比鋼鐵卡碇，但是只有鋼鐵的一半重量。這是利用化學材質操縱 carbon 內部電 子，可以完全控制碇度及形狀，供不同使用。飛機公司已經開始用來製造飛機：koh 輕、koh liú-lia̍h， 模仔製造真緊，毋免千萬粒螺絲就會當做飛機。

用一種材質做出來的自動車， 毋驚 siō-chông，chông 袂 phaiⁿ，做 racing car 第一好。省油。奧地 利的 Carbo Tech 做這種材質最有名。

台灣的 Miniwiz Sustainable Energy 用毀棄的塑膠做材料製造建築材料，勇、輕 koh 是磚仔的一半價 數。

一種鈦金屬的氧化物（Titanium dioxide）經過奈米技術，可以製造免洗玻璃。這種玻璃見日光就將玻 璃外面俠的污染有生物溶化掉。高層建築外面的玻璃攏毋免倩人去洗啦。

~3D 產業~

3D 印刷 2016 年會佔全部印刷的 1/2，到 2020 年會佔 80%。印刷的方法就是多層印刷，不斷加層， 就會產生立體感。所有商品的印刷攏變做立體，人客隨時看著商品的全體。型式改變隨時可以進行，隨 時生產。所有人造原料攏可以隨時改變、隨時生產。齒模、假牙、助聽器、鞋、部份品、建築模型攏隨 時用 3D 再生。3D 的優點是產品出來就是整體，毋免閣組合，毋免用真濟原模、工具、釘仔等等去製 造。材料攏無浪費，連落佇土腳的細粉攏可以使用，材料費平均省 90%。產品重量加真輕。Airbus 飛 機工場只有使用以前的 10% 的材料，機身比以前更加堅固。

3D 的產品一般卡自然，構型真媠。比利時 Materialise 公司製造的人造骨頭真好用，真輕，真自然， 使用的人真爽快。GE 用 3D 製造的 ultrasound scanner，不但普通人的身軀照會出，連身軀內猶未出 生的胎兒的骨嘛照到清清楚楚。飛機体的小小裂痕嘛照到真清楚。

佇一所在人可以 scan 一項物件，叫地球另外彼爿的人，照按呢製造仝款的物件。意思是任何所在需要 任何部份品，經過 3D，在地就可以隨時生產，毋免路途遙遠去運送。舊型的部份品，揣無原來資料， 可以用 3D 將破壞的部份品送去，成形以後隨時可以再製。現場的 3D 機器，或是附近有 3D 的五金行， 隨時會當解決問題。

目前 3D 印刷機工業用約$15,000，將來 desktop 普遍化以後，就會發揮真大功能。小型 3D 印刷叫做 Cube，隨時可以 cubify 用塑膠製造小項物件，5.5 吋以下的物件生產成本只有$3.50。這叫做「個人 製造革命」。

3D 印刷製造機需要印幾次。這台「印刷機」其實就是「製造機」，因為灌入去的毋是油墨，是原料： 塑膠、鐵粉、或是其他原料，出來的就是產品。這種生產方法看起來就親像 teh「印刷」仝款。將來嘛 有可能製造人的器官或是糧食。

~生產集中化~

古早 (kó͘-chá) New York 人口中濟少有一百萬人是製造業工人，chím-má 才 chhun 八萬人，大部份 是 downtown Manhattan 做成衣。但是 Hudson River 邊仔有一間小間工場叫做 Quirky，只有幾代 3D 機器以及幾項小附件，但是將人的思想創造做成品的所在。

人先將構想寄去，佇 Facebook 若是有真濟人客佮意，Quirky 就設計產品模型（prototype）生產， 甚至申請專利，大量出售，提供最先構想的人，分利純的 30%。

最近因好賣的商品是 Pivot Power，$29.99，會當接任何的充電器。當初一個高中生 Jake Zien （Milwaukee）想著這項構想。到今已經賣 20 萬粒，Zien 收著$124,000 利純。

Quirky 動作真緊，隨時用 3D 送去中國生產，因為工資俗。但是因計劃欲改轉來美國生產，因為佇生 產的機器邊的人，頭殼來隨時有改進的想法，產品會比佇 4,000 哩外的中國工場閣較好。「你目睭 teh 看的時陣，頭殼嘛 toè leh ká！」

另外一間 3D 公司 Shapeways 佇 Apple2010 年推出 iPads 入去市場 4 日以後，就設計出 iPads 的袋 仔。時間及迎合消費者的喜好，是因大成功的因素。3D 公司的軟体過去失敗的比率是 1/2，chím-má 成功的比率是 91%，因為不斷研究改進。

3D 成功另外一個原因是產品真容易使用，連小孩嘛會曉用。

智識數位化以後，就真容易 copy，所以智慧財產權的保障的問題。譬喻講遊客去 Disney World 用 3D 相機，轉去就馬上製造玩具入去市場賣。

但是經過網路生產新產品已經是新的趨勢，chia-ê人不斷互相提供意見，互相改進，解決處理廢物、再 生利用的方法，變做新的共同体叫做”product-life-cycle-management”。今後可能真濟人毋免去 工場做工，佇厝內用電腦就有法度做工，工場就是阮厝，阮厝就是工場。

~未來世界自動化~

以前美國自動車製造業，幻想機器人若是充分利用，工場的電火攏毋免開，ambinsoaⁿniau，機器人嘛 會自動生產。今仔日雖然猶未發展到彼種程度，但是日本最大機器人製造廠 FANUC，製造出來的機器 人，已經可以幾禮拜毋免人去管。切金屬，加油漆攏可以交互機器去處理。管理機器人管久以後，管理 6 人嘛識機器人的「心理」，就是講管理的技術加真好。所以只組合代工的國家，因的技術者無一定會當 管理機器人。雖然機器人真貴，管理機器人的人，比機器人卡貴。

次世代的機器人可能會變卡俗，koh-khah 有人性化。有時因會聽人給伊講的話。